Segundo os datos ofrecidos este luns polo alcalde, 94 persoas foron denunciadas esta fin de semana pola Policía Local por incumprir o Real Decreto de estado de alarma, elevando o total aos 463. Ademais, os Bombeiros desinfectaron as inmediacións dos centros de saúde.
A decisión do Goberno de España de prohibir a actividade económica non esencial paraliza todas as obras públicas na cidade. Abel Caballero incluíu esta decisión dentro da batalla contra o coronavirus porque “o prioritario é a saúde”.
Abel Caballero informou este luns de que o Concello de Vigo xa atendeu a case 1.800 familias para proporcionarlles todo tipo de axudas de emerxencia ante a crise do Covid-19. O valor total é de 145.000 euros.
O alcalde explica que xa lle comunicou por carta ao presidente do goberno autonómico que “todos os dispositivos da cidade” están ao seu dispor para velar pola saúde das 600.000 persoas que conforman a Área Sanitaria de Vigo.
Todos aqueles interesados en compartir a súa creatividade artística durante este período de confinamento xa poden facer chegar as súas creacións a confinarteconcultura.vigo.org. Teñen que ser vídeos curtos, que deberán estar gravados en formato horizontal, cun peso máximo de 500 MB e unha duración máxima de 5 minutos.
O alcalde deu conta esta mañá da adaptación do programa Síntome Ben para que a xente poida facer exercicio na súa casa. A páxina web municipal recolle táboas con programas deportivos deseñados por profesionais para todos aqueles interesados.
Abel Caballero informou este venres de que a cociña do albergue municipal xa repartiu máis de 1.200 menús durante os últimos dez días. Estas comidas están destinadas aos propios usuarios do albergue, ás persoas acollidas no pavillón do Berbés e ao servizo a domicilio.
Abel Caballero confirmou que hoxe venres é o último día no que se permite comprar o billete en metálico: desde este sábado, o acceso será en exclusiva con PassVigo ou tarxeta análoga mentres dure o estado de alarma. A finalidade da medida é diminuír o risco de contaxio suprimindo o intercambio de efectivo.
O alcalde advirte que esta fin de semana haberá controis para os vehículos que entran e saen da cidade e pide cautela á cidadanía e respecto ao decreto de alarma para protexer a saúde propia e a dos demais.
Abel Caballero lembrou este xoves o ofrecemento de Contenur, que xa está fabricando colectores específicos para Fátima e Povisa, á espera de que o Sergas estude a proposta municipal. Namentres, os bombeiros incorpóranse ao dispositivo de desinfección das rúas dedicados especialmente a zonas hospitalarias e sanitarias.