Na xornada de hoxe xa comezaron algunhas obras públicas da cidade como o pavillón de Quirós ou a Estrada Porto, aínda que a meirande parte destes traballos de construción municipal arrancará mañá martes, coa reactivación de Gran Vía, Porta do Sol ou Ronda don Bosco.
Abel Caballero avanzou que a primeira reunión terá lugar esta semana co obxectivo de lograr un consello “do máximo nivel” nun proxecto de recuperación “ordenado, apoiado e buscando a interlocución de tódolos ámbitos” porque “por forza temos ir xuntos na saída da crise”.
O alcalde explicou que, desde hoxe e xunto coa Policía Nacional, entregarán 15.000 máscaras enviadas polo Goberno de España no transporte urbano, estacións de trens e autobús e nas entradas dalgúns centros de traballo da cidade.
O alcalde mantivo un encontro por videoconferencia con Enrique Mallón e Daniel Villanueva a quen lles recoñeceu a “importantísima contribución á cidade” que supón a entrega destes escudos faciais protectores.
A Xunta de Goberno Local reúnese este xoves de forma telemática e, segundo adiantou este mércores Abel Caballero, prevé ampliar o convenio co Banco de Alimentos para asignarlle outros 40.000 euros máis ao ano. Ademais, adxudicará o subministro de elementos de protección para o equipo de Bombeiros encargado da desinfección.
Os axentes impuxeron 63 novas sancións por saltarse o confinamento onte martes, despois dunha xornada con “controis aínda máis intensos que noutras ocasións”, en verbas de Abel Caballero. Pese aos infractores, o alcalde trasladou o seu “recoñecemento e agradecemento” polo comportamento da “inmensa maioría da cidade”.
Abel Caballero informou este mércores de que o Concello de Vigo terá aberta as liñas telefónicas do 010 para atender todas as peticións dos cidadáns tamén durante a Semana Santa. Ademais, as axudas de emerxencia xa suman máis de 377.000 euros e as comidas repartidas desde a cociña do albergue chegan a 4.790.
Cos controis realizados na última xornada elévase a 795 as denuncias cursadas pola Policía Local desde o pasado 16 de marzo. O alcalde percibe unha “tendencia lixeiramente decrecente” no quebrantamento do confinamento.
O alcalde explicou que o equipo de Bombeiros dedicado á desinfección diaria de centros de saúde e espazos sanitarios está composto por cinco profesionais, equipados con traxes antisalpicadura, equipos autónomos de respiración, casco, luvas e botas, e operan con dúas bombas urbanas lixeiras, outra de alta presión e mochilas eléctricas.
Abel Caballero informou este venres de que o Concello aprobou a concesión de outras 500 becas de comedor e que as axudas de emerxencias, condedidas desde o inicio da crise do Covid-19, xa chegan aos 300.000 euros. Ademais, Benestar Social incorporou a outros tres traballadores para facer fronte ao incremento de traballo. “Non establezo ningún límite de gasto en cobertura social”, apuntou.