Cuadriculas nas praias de Vigo para abrir ao público este verán. Esta medida será consultada polo alcalde co seu comité asesor de desescalada para acada a seguridade necesaria nos areais da cidade. Abel Caballero tamén avanzou que estuda peonalizar rúas e facilitar así a saída dos cidadáns.
Este luns continúan as entregas gratuítas nas contornas dos espazos comerciais de Coia, Travesía e Praza E, ademais de en Alcabre, Castrelos, San Andrés, Freixeiro, San Paio, San Miguel de Oia, Saiáns, San Xoán do Monte e Zamáns. O goberno vigués pechou a compra doutras 100.000, que distribuirá de balde desde o 11 de maio.
Onte domingo, primeira xornada con saídas controladas dos menores de 14 anos, a Policía Local non impuxo denuncia algunha a pais ou nais por incumprimento. O alcalde insistiu este luns en aconsellar “máis atención, precaución e cautela que antes” porque “a etapa máis complicada será a desescalada”.
Abel Caballero informou este luns de que o Concello de Vigo aprobou na comisión do domingo outras 431 becas de comedor e o total xa ascende ata 2.601 por importe de 130.000 euros. No caso do aloxamento de persoas sen fogar, a pasada noite foron un total de 151 as prazas ocupadas en albergues e hostais.
O rexedor fai un chamamento á cidadanía para que doe os equipos que teñan en desuso ou dispoñibles a través do teléfono 010 e explicou que un “número importante” de colexios carece de ordenadores para que o alumnado poida seguir a docencia online.
Abel Caballero anunciou este luns que creará un comité asesor técnico, formado por persoas do ámbito médico, universitario e administrativo, para definir os pasos que se van dar na desescalada da crise. “Temos que empezar a decidir o ritmo, a forma, sectores, prazos e tempos”, asegurou.
Ofrecer garantías sanitarias e concienciar á cidadanía da importancia de comprar en Vigo son algunhas das conclusións acadadas ao longo do encontro que mantivo esta tarde o rexedor con máis de trinta representantes do sector comercial. Entre outras medidas, o Concello impulsará unha plataforma ou rede de venta 'on line' para apoiar a actividade comercial e contribuír a súa dinamización.
O alcalde deu conta de que esta mañá se repartiron 7.500 máscaras nos mercados municipais do Progreso, Teis, e Calvario, así como nas parroquias de Beade, Bembrive, Cabral e Candeán. A distribución seguirá o sábado e o luns que vén, ata completar un primeiro lote de 20.000 máscaras, ao que seguirán outras 80.000 que o Concello está en trámites de adquirir.
Os nenos e nenas poderán saír de forma controlada desde este domingo e Abel Caballero aconsellou “sentido común” á cidadanía e “moita cautela” para “facer compatible” esta medida coa loita contra o coronavirus. Ante o inicio do desconfinamento, o rexedor recomendou “rigorosidade”.
O alcalde de Vigo e presidente da FEMP mantén na tarde deste venres unha entrevista cos responsables das federacións autonómicas de municipios para intercambiar experiencias e preparar unha desescalada que será “asimétrica”. Abel Caballero quere crear un canal de traballo similar ao establecido entre a FEMP e o Goberno de España.