martes, 5 nov 2024
O alcalde achegouse á entrega de premios da X edición do Petisquiño, onde o establecemento La Marciana se alzou co primeiro galardón. Abel Caballero louvou a calidade das tapas nos establecementos de hostalería de Vigo e a acción dos que se dedican á cociña: "Sodes uns dos embaixadores do turismo polo servizo marabilloso que recibimos os vigueses e viguesas e o que reciben os turistas. A nosa hostalería é un dos motores da cidade". A entrega de premios reuniu a ducias de persoas do sector no Hotel Attica 21 de Samil.
mércores, 9 out 2024
Abel Caballero: “Petisquiño é un dos fitos fundamentais da cidade. Vigo é unha gran potencia turística”.
venres, 4 out 2024
O alcalde achegouse esta mañá á rúa Sanjurjo Badía para felicitar aos premiados da décimo primeira edición do Concurso de pinchos de Teis. Acompañado da concelleira de Atención á cidadanía, Patricia Iglesias, Caballero, que eloxiou a calidade de todas as tapas participantes, participou esta mañá na entrega de premios.
mércores, 17 xul 2024
A potenciación do comercio, mercados e áreas comerciais desenvolvida polo goberno municipal vén de ser recoñecida cunha mención honorífica dentro da categoría de municipios.
xoves, 30 mai 2024
A rúa peonil do Calvario acolleu esta mañá a presentación da campaña que durante os próximos quince días promoverá o consumo nos mercados locais. O alcalde valorou a “inmellorable relación calidade-prezo dos mercados vigueses, a atención do persoal e a proximidade aos compradores” como a clave do seu éxito e felicitou aos vendedores e responsables dos mercados municipais (Teis, O Progreso, As Travesas, O Berbés, Bouzas, Cabral e O Calvario). No acto participaron os concelleiros da área de Comercio, Ángel Rivas e Ana Laura Iglesias, así como os xerentes do mercado do Calvario, Miguel Misa, e das Travesas, Delmiro Hermida.
xoves, 25 abr 2024
Sandra Fernández Cabello e Ana Sáa Sánchez trasladáronlle ao alcalde os proxectos de Carrefour na cidade xa que, trala apertura dun supermercado exprés na Plaza Elíptica, non descartan a habilitación de novos espazos comerciais ao constatar que Vigo responde "moi ben" á súa proposta comercial e manteñen a "ilusión" de seguir ampliando a súa presenza.
venres, 22 mar 2024
A Xunta de Goberno deu luz verde ao convenio coa Asociación de Veciños do Casco Vello polo que se conceden 125.000 euros para a organización da Reconquista.
mércores, 10 xan 2024
O alcalde anunciou que, como vén sendo habitual, haberá un acto simbólico a partir das 19:15 horas do domingo 14 de xaneiro, onde Vigo despedirá o Nadal na árbore da Porta do Sol. Caballero tamén informou que a cidade acolleu 102 eventos relacionados co turismo MICE.
martes, 19 dec 2023
O Ministerio de Economía, Comercio e Empresa recoñeceu o traballo do Concello polas actuacións de renovación urbana comercial. O alcalde amosou a súa satisfacción pola Mención Honorífica por parte do Goberno de España pola potenciación do comercio e mercados “coa atracción de millóns de visitantes durante o Nadal”. Con motivo destas festas, o goberno local vén de aprobar a ampliación do horario comercial nos servizos de restauración, hostalería e ocio a madrugada do 1 e 6 de xaneiro.
luns, 18 dec 2023
Abel Caballero expresou que o Nadal está a atraer a milleiros de turistas e visitantes e que "se están a bater todos os récords". O alcalde explicou que a ocupación hoteleira foi case do 100% e que moitos dos que se achegan a Vigo para visitar as luces de Nadal teñen que pernoctar noutras vilas como Pontevedra ou Ourense. Caballero valorou positivamente o bo funcionamento do dispositivo de tráfico para a recepción dos visitantes e certificou os cheos absolutos na hostalería e comercios. Tamén valorou positivamente o retorno social que está a ter o Nadal: "Os visitantes convértense en prescriptores do Nadal", manifestou.
