A concelleira de Benestar Social, María Méndez, visitou este xoves a unidade móbil do programa Café e calor na rúa, desenvolvido pola propia Concellería de Benestar Social a través dun convenio con Médicos do Mundo, e que segundo apuntou a edil do BNG atende arredor de 40 persoas ao día.
Apostar polas persoas en risco de exclusión social, integrándoas no mundo laboral, para evitar que caian na pobreza e o obxectivo co que traballará o novo equipo do segundo Plan de Inclusión Social, que hoxe foi presentado polo tenente de alcalde, Santi Domínguez, e a concelleira de Benestar Social, María Méndez. Segundo explicou a edil do BNG, durante este ano 2008 este departamento xa realizou 317 intervencións, maioritariamente correspondentes a mulleres.
A concelleira de Benestar Social, María Méndez, salientou este martes que o departamento que dirixe destina máis de 495.000 euros para a sinatura de convenios con distintas organizacións de iniciativa social. Así, María Méndez sinalou que a renovación dos acordos con entidades como CEDRO, Médicos do Mundo, Alborada, o Comedor da Esperanza, Afán, ou o Fondo Galego de Cooperación supón un incremento medio do 7 por cento da cuantía dos convenios, mentres que hai outros de nova creación, como o de Sereos do Casco Vello, Asvidal ou Afal.
A concelleira de Benestar Social, a nacionalista María Méndez, salientou hoxe a aposta que realiza a súa concellería para ofrecer actividades de lecer para nenos e nenas con discapacidade. A edil do BNG realizou estas declaracións durante a visita que realizou ao campamento que Benestar Social está a desenvolver no colexio público Saladino Cortizo, dirixido a rapaces e rapazas con características especiais.<br />
O tenente de alcalde do Concello de Vigo, Santi Domínguez, amosou este xoves o seu apoio e compromiso co labor que desenvolve a unidade asistencial de drogodependencias Cedro durante a visita que realizou hoxe ao centro acompañado pola concelleira de Benestar Social, María Méndez. Santi Domínguez quixo agradecer persoalmente e traballo que están a facer os 36 traballadores de Cedro, ao tempo que valorou a implicación e adicación que amosan no seu quefacer diario.<br />
O proxecto "O noso taxi", que ten por obxectivo mellorar a capacidade de mobilidade das persoas con dependencia, entrará en funcionamento no mes de setembro, segundo anunciou este martes o tenente de alcalde tras a reunión que mantivo con representantes da Asociación Provincial de Autopatronos do Taxi. O encontro, no que tamén participou a concelleira de Benestar Social, María Méndez. servíu para "concretar os últimos flecos desta iniciativa, que era unha promesa electoral do BNG nas pasadas eleccións municipais", salientou Santi Domínguez.
O tenente de alcalde, Santi Domínguez, e a concelleira de Benestar, María Méndez, visitaron hoxe o colexio Fleming e a estrutura anexa ao seu edificio invitados pola directiva do centro, que quixeron expoñerlles sobre o terreo cales son as súas necesidades e as propostas que fan para ese espazo.
El teniente de alcalde, Santi Domínguez, y la concejal de Bienestar, María Méndez, visitaron hoy el colegio Fleming y la estructura anexa a su edificio invitados por la directiva del centro, que quisieron exponerles sobre lo terreno cuáles son sus necesidades y las propuestas que fan para ese espacio.
A concelleira de Benestar Social, a María Méndez, anunciou este martes a ampliación do Programa de Avellantamento Activo a cinco novas entidades viguesas no mes de setembro co obxectivo de estender esta iniciativa ao "maior número posible de parroquias e barrios da cidade". María Méndez así o afirmou durante a visita que esta mañá realizou ao pavillón das Travesas, onde se estaba desenvolvendo un dos cursos que forman parte do programa, neste caso de ximnasia e recoñecemento médico.
A concelleira de Benestar Social, a nacionalista María Méndez, anunciou este luns que a galescola situada na rúa Palencia porase en marcha no mes de setembro, co inicio do curso 2008/2009. María Méndez así o asegurou tras a sinatura dun convenio co vicepresidencia da Xunta, Anxo Quintana, na que participaron un total de 24 concellos galegos.