martes, 25 nov 2008
O tenente de alcalde, Santi Domínguez, e a concelleira de Benestar Social, María Méndez, anunciaron este martes que o novo centro municipal de servizos sociais de Coia, que estará rematado a mediados do 2009 atenderá a unha poboación de 75.000 persoas. Así o explicaron Santi Domínguez e María Méndez no transcurso da visita que realizaron ao inicio das obras, que contan cun orzamento de 450.000 euros.
martes, 25 nov 2008
El teniente de alcalde, Santi Domínguez, y la concejala de Bienestar Social, María Méndez, anunciaron este martes que el nuevo centro municipal de servicios sociales de Coia, que estará acabado a mediados del 2009 atenderá a una población de 75.000 personas. Así lo explicaron Santi Domínguez y María Méndez en el transcurso de la visita que realizaron al inicio de las obras, que cuentan con un presupuesto de 450.000 euros.
xoves, 20 nov 2008
A concelleira de Benestar Social e membro da executiva do Fondo Galego de Cooperación e Solidariedade, María Méndez, salientou o traballo que desenvolve a ONG INPRHU-Somoto na mellora das condicións de vida en Nicaragua. Na presentación dos programas que se desenvolven neste país latinoamericano, ademais da edil participaron as representantes desta ONG Rosario Cáceres e Nelys Reyes, quenes explicaron que os proxectos que se levan a cabo buscan a superación da pobreza e o freo da emigración.
mércores, 12 nov 2008
A Fundación Tutelar "camiño do miño" e vicepresidencia da Xunta celebran en Vigo o venres, día 14, unha xornada informativa co título "A protección xurídica das persoas con discapacidade desde a persepctiva do trastorno do espectro autista". A xornada, con entrada libre, será ás 19.00 horas no edificio CAMI, na rúa Laxe,3.
mércores, 12 nov 2008
As máis de 16.000 persoas inmigrantes que residen en Vigo contan desde xuño cun novo centro de información, orientación e asesoramento no baixo do número 43 da rúa Don Bosco, aberto oficialmente este mércores. A instalación, inaugurada polo presidente da Fundación Juan Soñador, o presidente de Caixanova e o alcalde, desenvolve funcións de asistencia social, xurídica e de formación.
martes, 11 nov 2008
As concelleiras de Benestar Social e Xuventude, Máría Méndez e Iolanda Veloso, respectivamente, participaron hoxe na entrega dunha maqueta da Casa da Xuventude realizada polos usuarios e usuarias das unidades de día de Cedro. María Méndez explicou que o acto se enmarca na celebración do décimo aniversario do Plan Local de Drogodependencias e outras Adiccións (PLDA), que pretende "facer visible o traballo que se está a desenvolver".
martes, 4 nov 2008
A concelleira de Benestar Social, María Méndez, subliñou este martes que "apostar decididamente polo avellentamento activo" é o principal obxectivo da nova iniciativa organizada polo seu departamento, o "Outono cultural para os nosos maiores". Segundo explicou a edil, este novidoso programa desenvolverase ao longo do mes de novembro e con el as persoas maiores terán a posibilidade de acudir ao teatro e visitar os museos da cidade.
mércores, 29 out 2008
A concelleira de Benestar Social, María Méndez, salientou este mércores a súa aposta pola colaboración entre os servizos municipais de Benestar Social e os equipos de dirección e orientación dos centros educativos da cidade para abordar os mecanismos de intervención cos menores.A edil mantivo hoxe un encontro de traballo cos directores e directoras, así como cos responsables dos equipos de orientación, de centros de ensino de primaria e secundaria para avanzar nesa colaboración e atallar situacións de menores en risco social.
martes, 28 out 2008
A concelleira de Benestar Social, María Méndez, subliñou este martes que "priorizar as áreas que inciden en paliar as consecuencias da crise económica" foi o principal criterio da elaboración dos orzamentos do seu departamento para o exercicio do 2009. Benestar Social contará con preto de 6 millóns de euros, centrados fundamentalmente no incremento dos servizos destinados ás persoas maiores e en risco de exclusión e o aumento das axudas aos colectivos máis desfavorecidos e para libros e comedores.
luns, 27 out 2008
Dentro dos actos conmemorativos do X Aniversario do Plan Local de Drogodependencias e Outras Adiccións do Concello de Vigo, a compañía Pikor Teatro realizará o martes, 28 de outubro, dúas representacións da obra "Pisa la raya". Nos espectáculos, que terán lugar no Auditorio do Centro Cultural Caixanova ás 12.00 horas e ás 16.30 horas, participarán 713 alumnos e alumnas pertencentes a 13 centros de ensino de Vigo.
