O alcalde asegura que Tomás Alonso representa o "modelo de humanización de alta calidade" na cidade

xoves, 1 out 2009

Abel Caballero presidiu este xoves a inauguración da humanización de Tomás Alonso, entre Pi i Margall e a praza da Industria, que estaba "en condicións moi deficientes" e empregou a 33 persoas durante medio ano. Ademais, o alcalde xa adiantou que o próximo ano acometerase o tramo da rúa entre a curva de San Gregorio e Bouzas, para continuar "xerando emprego e benestar". <br />

O alcalde solicita da Consellería de Sanidade os proxectos do plan funcional e do novo hospital de Vigo

mércores, 30 set 2009

Abel Caballero anunciou este mércores o envio dunha carta á conselleira de Sanidade, Pilar Farjas, solicitando os proxectos do plan funcional sanitario e do novo hospital de Vigo, incluida a súa forma de financiación. A Plataforma pola Sanidade Pública transmitiu hoxe ao alcalde a súa "inmensa inquedanza" porque o hospital presentado "non cumpre as expectativas" da cidade, segundo citou.

Leroy Merlin e o Concello buscarán localización para abrir "coa máxima urxencia" un centro en Vigo

mércores, 30 set 2009

O alcalde entrevistouse este mércores co Director de Desenvolvemento da compañía, José Luis Azañón, e coa xestora da mesma, Alejandra de la Cruz, quen manifestaron que Vigo é o obxectivo prioritario de Leroy Merlin en España, polo que buscan abrir unha gran superfice con 350 empregados e 100 empresas proveedoras ubicadas en Vigo. "Creo que en non moito tempo haberá novidades ao respecto", concluíu o alcalde.

Abel Caballero asegura que as expropiacións para a Cidade da Xustiza costarán preto de 6 millóns de euros

xoves, 24 set 2009

O alcalde reiterou que o Concello fará fronte ao custo das expropiacións se a Xunta de Galicia non o asume, e que o fará "no prazo máis breve posible" para poñer a disposición do goberno autonómico os terreos necesarios. O rexedor local e os coordinadores de xustiza de Comisións Obreiras de Galicia pasaron revisión este xoves ás dotacións xudiciais viguesas.

O alcalde visitou as obras de construcción do auditorio, que ten a estrutura do hotel xa rematada

mércores, 23 set 2009

Abel Caballero acudiu este mércores ao solar de Beiramar onde estase a construir o Pazo de Congresos de Vigo, que xa ten rematada a estrutura do hotel e nun 80% a do Auditorio propiamente dito. O alcalde asegurou que os traballos -que empregan a unha media de 150 persoas- marchan nos prazos previstos para que a infraestrutura quede inaugurada o 1 de xaneiro de 2011.

O alcalde viaxará a próxima semana a Madrid para planificar co ministro de Xustiza a instauración do Xulgado do Mercantil en Vigo

mércores, 23 set 2009

Abel Caballero indicou este mércores que posiblemente a próxima semana terá lugar unha reunión en Madrid co Ministro de Xustiza, o galego Francisco Caamaño, para planificar a incorporación do Xulgado do Mercantil na cidade. O alcalde agradeceu a "intervención decisiva" de Caamaño na consecución da dotación, que "prácticamente xa a temos" a falta da ratificación final.

Inaugurada a humanización da rúa Coruña

martes, 22 set 2009

Este martes o alcalde Abel Caballero inaugurou de xeito oficial a humanización da rúa Coruña. A actuación renovou os pavimentos, as instalacións de alumeado, saneamento e abastecemento, mellora do arborado e o mobilirio urbano. O investimento das obras foi de 1,9 millóns de euros procedentes do orzamento municipal de 2009.

Vigo súmase o "Día Mundial sen coche"

luns, 21 set 2009

O martes, 22 de setembro, dentro do marco da semana europea da mobilidade, Vigo sumarase un ano mais ao Día Mundial sen coche.O obxectivo destas iniciativas é informar, concienciar e dar participación á cidadá na tarefa de mellorar a calidade de vida das cidades, reducindo o número de coches en circulación e demostrando na práctica os beneficios que reporta o que os automobilistas deixen o coche en casa.

Concrétase a primeira ruta marítima xacobea

luns, 21 set 2009

Abel Caballero reuniuse hoxe con representantes de entidades de Bouzas para tratar sobre a primeira ruta marítima xacobea. A ruta será do 13 ó 21 de xullo de 2010 entre Aveiro, Matosinhos, Viana, Baiona, Bouzas, Combarro, Vilagarcía e a partir desta vila faríase por tren ata Santiago de Compostela.