O antigo Exipto, o mundo do libro e as actividades ao aire libre serán os principais protagonistas das ludotecas municipais durante o mes de abril que en Semana Santa abrirán as súas portas tamén en horario de tarde.
Máis de cen persoas están a traballar nos grupos de Vigo 20, convocatoria realizada pola Concellería de Xuventude e a Universidade de Vigo para a reflexión, á crítica e á acción dos mozos e mozas da cidade. Que as e os protagonistas reflexionen sobre si mesmos e sobre o acerto ou desacerto das institucións no seu afán organizador é o principal obxectivo desta convocatoria, que organizan conxuntamente as dúas entidades públicas.
A Concellería de Xuventude e a Universidade de Vigo presentaron a campaña VIGO 20, unha invitación á reflexión, á crítica e á acción dos mozos e mozas da cidade.
