O Punto Xove da Concellería de Xuventude inaugura o vindeiro martes 13 de outubro, ás 19.30 horas, a exposición "Traxectos" do artista Alberte Bello. A mostra, que permanecerá no segundo andar do Punto Xove ata o 28 de outubro, é de entrada libre e gratuita.
A concelleira de Xuventude, Iolanda Veloso, inaugurou este xoves o obradoiro de prevención de drogodependencias no sector hosteleiro e recreativo, que ten por obxectivo a concienciación respecto dos consumos de alcohol. O obradoiro quere ser un debate no que participen empresarios e profesionais estreitamente vencellados co sector para analizar e coñecer a súa percepción das drogodependencias e impulsar espazos de ocio seguros, saudables e de calidade.
A Casa da Xuventude acolle do 28 de setembro ao 9 de outubro unha exposición de pintura de Laura García co título "Ollada pola educación". Trátase de oito retratos de persoas de todos os continentes nos que a expresión da mirada cobra protagonismo para expresar o valor dunha humanidade plural, digna, que clama contra a exclusión.
<br /> A concelleira de Xuventude, Iolanda Veloso, anunciou este luns que o festival de curtametraxes "Vigounhaedez", organizado en colaboración coa asociación xuvenil Abertal, comezará mañá, 22 de setembro, coa proxección en tres espazos da cidade das gravacións presentadas a concurso, como son o Punto Xove de López de Neira, o Punto Xove do Castro e o cine Salesianos. O festival tamén acollerá obradoiros e encontros, e rematará o sábado 26 de setembro coa gala de entrega de premios e o concerto a cargo de Panta Rei e os Vacalouras.
A Casa da Xuvenrude acolle dende mañá, 1 de setembro e ata fin de ano, unha nova rolda de exposicións na que os mozos e mozas artistas son os protagonistas. Nesta ocasión, as obras de David Bastos e Patricia G. Varela abren esta rolda, que se pode visitar nas instalacións da rúa López Mora de e luns a venres en horario de 9 a 14 horas e de 17 a 20 horas.
A novena edición de "O Marisquiño", que terá lugar os días 8 e 9 de agosto na chaira do Náutico de Vigo, introducirá novidades para seguir medrando e chegar a máis xente, segundo subliñou na presentación a concelleira de Xuventude, Iolanda Veloso. Se o ano pasado alcanzaron os 30.000 espectadores e 450 participantes, na edición deste ano xa contan con 700 participantes e esperan superar o número de espectadores.
O tenente de alcalde, Santi Domínguez, subliñou este venres que os campamentos de verán que organiza a Concellería de Xuventude en colaboración coa Concellería de Igualdade son "espazos de lecer que axudan a compatibilizar a vida familiar e laboral". No trancurso dunha visita que realizou ao campamento de verán que ten lugar no pavillón das Travesas, na que tamén participaron a concelleira de Xuventude e o concelleiro de Deportes, destacou a aposta que fai o goberno local ao ofertar 1.700 prazas para rapaces e rapazas de 4 a 15 anos.
A concelleira de Xuventude, Iolanda Veloso, presentou este venres o concurso de curtametraxes "Vigounhaedez", convocado en colaboración coa asociación xuvenil Abertal e dirixido a mozos e mozas menores de 30 anos. "Queremos que a xente nova presente a súa visión de Vigo a unha e dez da noite", explicou a concelleira, co obxectivo de organizar unha mostra con todos os traballos presentados os días 25 e 26 de setembro.
Na edición sorteo "Inter rail 2009", celebrado hoxe no Punto Xove da Concellería de Xuventude, participaron máis de 600 mozos e mozas, e a afortunada resultou Tamara Prieto Rodríguez. Esta concursante, xunto cun acompañante, terá a oportunidade de viaxar por Europa en tren durante 10 días e elexir os países a visitar.
O Punto Xove da Concellería de Xuventude, ubicado na rúa López de Neira, acollerá mañá 19 de xuño, ás 12 horas, o sorteo do "Inter rail 2009". Nesta cuarta edición do premio sortearase un dobre inter rail na modalidade Global Pass, de xeito que dúas persoas poderán viaxar en tren gratuitamente durante 10 días, por máis de 30 países dentro dun periodo de 22 días.<br />