O alcalde deu conta da aprobación en Xunta de Goberno da obra na Fase 1B que humanizará 450 metros da Avenida de Samil cun importe de 1.800.000 euros. O Ministerio para a Transición Ecolóxica é o encargado da Fase 1A que inclúe o novo paseo e a rexeneración dunar.
Abel Caballero deu conta do convenio aprobado en Xunta de Goberno entre o Concello e o Ministerio de Transportes, Mobilidade e Axenda Urbana para o deseño, execución e financiamento das obras na Avenida de Madrid. O Goberno de España aportará 11.200.000 euros dos 16.800.000 orzamentados. O executivo local contratará as obras “de xeito inmediato”.
O alcalde deu conta do avance das obras en Marqués de Valladares, que comezaron o luns coa retirada do adoquinado. Abel Caballero tamén informou que Elduayen estará humanizada en setembro “cunha plataforma única peonil en asfalto pulido”.
O alcalde deu conta esta mañá dun incremento de 36.000 euros no convenio de 606.000 euros asinado con FOANPAS co obxectivo de axudar ás familias no aumento no prezo dos comedores escolares. O goberno local tamén validou a renovación da rede de abastecemento da avenida de Castrelos, entre os números 120 e 144.
A Xunta de Goberno Local deu luz verde tamén este xoves á construción das tres rampla mecánicas que comunicarán a contorna do Colexio Losada con Ramón Nieto e á humanización de Pablo Iglesias por un importe de 1,2 millóns de euros.
O alcalde informou esta mañá do remate dos traballos de humanización en ámbalas vías, que recuperan deste este venres a normalidade circulatoria.
A humanización da avenida de Castelao contempla a instalación dunha escultura de Eva López Tarrío que quedou descuberta este xoves, día no que comeza a funcionar a rampla mecánica da rúa Carral. A rotonda de Olímpicos e Pablo Iglesias lucirá tamén unha escultura de homenaxe ao Celta de Vigo e a súa afección.
A Xunta de Goberno aprobou a adxudicación das ramplas de Ramón Nieto ata o centro de saúde e o colexio Fonte Escura. Trátase dunha actuación cofinanciada co Goberno de España a través do Plan de Recuperación, Transformación e Resiliencia dotado cos fondos europeos Next Generation EU. O Concello tamén aprobou a recepción dos fondos europeos para o desenvolvemento da rehabilitación do Pazo da Raposeira.
O Concello tramitou a recepción da fase IV da humanización da Avenida Martínez Garrido, que vai do número 1 ata o 33. O obra supuxo un investimento de 1.200.000 euros.
O alcalde deu conta do avance das obras da humanización e instalación da rampla mecánica na rúa Carral, que rematarán a finais da próxima semana. Este elemento mecánico inclúese na humanización da nova Porta do Sol na que se investiron case 17 millóns de euros.