Abel Caballero e Marta Fernández-Tapias mantiveron este martes a súa primeira xuntanza “nun ambiente cordial” no que o rexedor lle pediu á delegada “que defenda a cidade” e que “será benvido todo aquilo que poida facer por Vigo”.
O alcalde insta á Xunta de Galicia a que envíe os recursos que corresponden á cidade para "levar adiante o modelo Valencia na súa totalidade", complementando os recursos cos do Concello e seguindo o criterio de distribución aplicado nesa comunidade autónoma.
Logo do apagado da iluminación da cidade, Abel Caballero fixo balance destas semanas nas que non se rexistraron incidencias e nas que “funcionou moi ben a coordinación entre os controladores na rúa e o control das cámaras” para supervisar o aforo.
A través do programa Vigoemprende, o goberno municipal pon a disposición do sector hostaleiro un servizo de asesoramento e xestión gratuíto para que poidan acceder ás axudas do Goberno de España.
A Xunta de Goberno Local deu o visto bo á concesión directa de subvención á Diocese Tui Vigo para a restauración desa infraestrutura que se atopa deteriorada. Ademais, aprobou axudas para o atletismo e a lista de admisión e exclusión da Oferta de Emprego Público para a categoría de condutor bombeiro.
O Mercado do Calvario ofrece un novo servizo de compra online e entrega a domicilio a través da plataforma Kibus, sen gastos de envío nin compra mínima e ao mesmo importe que na propia praza. O alcalde participou este mércores na presentación da iniciativa, xa en funcionamento.
Explicou Abel Caballero que comezan a traballar este mércores e durante catro meses e medio, iniciativa para a que o Concello achega 75.000 euros á Federación de Empresarios de Hostalería. Sen función sancionadora, os asesores velarán polo cumprimento das medidas hixiénico sanitarias contra o coronavirus en cafés, bares, restaurantes e hoteis.
Abel Caballero visitou este venres as instalacións do centro comercial Coia 4 logo das obras de reforma e rehabilitación realizadas tralo incendio que sufriron o pasado mes de outubro e que danou arredor de 80 locais. O rexedor trasladoulle aos comerciantes o ánimo e apoio do goberno municipal no reinicio da actividade e felicitounos pola axilidade coa que foron quen de acometer os traballos de rehabilitación e reparación dos espazos
Abel Caballero asistiu este xoves, xunto ao delegado de Zona Franca, David Regades á inauguración do restaurante Milongas Parrillada no centro comercial A Laxe, que inicia a súa actividade en Vigo cun equipo de 15 persoas. O rexedor visitou o espazo, situado na área de restauración na segunda planta do centro, e trasladoulle os seus parabéns aos responsables de Milongas pola súa iniciativa empresarial tamén en tempos de pandemia.
O alcalde participou este mércores por videoconferencia no II Foro Nacional “Turismo e despoboamento rural” no que defendeu a necesidade de “reverter a desertización e o despoboamento rural que é unha degradación do territorio”. Aposta Caballero polo uso dos fondos europeos e dos fondos Covid do Goberno de España no repoboamento do rural xa que o turismo, dixo, “debe estar ligado ao territorio”, sendo “unha “panca” para a repoboación polo que precisa de axudas. E no ámbito rural, a actividade lígase a oportunidades económicas e á calidade de vida que “debemos potenciar”.