Por primeira vez en décadas sen o paso elevado á AP9, Alfonso XIII está aberta ao tráfico desde este xoves e ata finais de mes. Será entón cando volva pecharse á circulación para continuar ás obras, entre estas, a demolición da actual estación provisional de tren. Así, desde comezos do próximo mes, o acceso rodado e peonil terá lugar pola praza superior do edificio.
O alcalde informou que, desde este xoves ás 11h ata o 22 de febreiro, se permitirá a circulación rodada desde Baixada á Estación ata Alfonso XIII, unha vez derrubado o paso elevado que conectaba Lepanto coa autoestrada. Caballero adiantou ademais que a inicios de marzo comezará a demolición da actual estación de Urzáiz.
A cidade de Vigo xa é unha das preferidas polas produtoras para a rodaxe de películas, cortos e spots. O demostran as 26 peticións autorizadas en 2020 polo Concello para filmar nas rúas de Vigo e as catro recibidas ata o de agora neste 2021. “Promovemos e cooperamos porque xeran emprego e gasto no comercio e a hostalería local”, dixo o alcalde.
Ante as novas restricións decretadas pola Xunta ata o día 17, o alcalde anunciou este venres novas entregas gratuítas de máscaras faciais nas prazas de Cabral, Progreso, Teis, Calvario, Travesas, Berbés e Bouzas, os dous primeiros sábados de febreiro. Ademais, Vigo presta apoio loxístico e policial ao cribado que comeza este venres no IFEVI.
A maioría da Corporación Municipal deu luz verde esta mañá a unha moción socialista que solicita ao Porto a paralización de calquera iniciativa que supoña novos recheos na ría de Vigo. A concelleira de Urbanismo, María Xosé Caride, reclamou ademais a elaboración dun plan axeitado para reubicar instalacións e optimizar o uso do espazo portuario.
Con 1,9 millóns de investimento, o Concello comezou este martes os traballos de remodelación da praza e da Baixada á Estación, que se prolongarán durante seis meses. A actuación inclúe a reconstrución do frontal de pedra da antiga terminal ferroviaria, inaugurada a finais do século XIX.
Citados no Ifevi, o BOP publica este venres a data -a expensas dos protocolos Covid, segundo anotou o alcalde- e as listas provisionais de candidatos. 419 persoas solicitaron optar a unha das doce vacantes de acceso libre, ás que se engaden outras tres de promoción interna e catro prazas máis de condutor-bombeiro.
O Concello xa enviou a súa alegación ao recheo que a Autoridade Portuaria proxecta en Bouzas advertindo de que o necesario crecemento do espazo portuario é posible sen un só recheo máis na Ría. O alcalde avogou en rolda de prensa por accións como o actual silo para coches, que permite multiplicar a superficie útil por catro sen causar dano algún ao medio ambiente.
Abel Caballero ofreceu este martes os datos de usuarios no transporte urbano vigués no 2020, que rexistra unha caída do 42,7% con respecto ao 2019, un total de 9,5 millóns de viaxeiros menos por mor da pandemia. “Demandamos do Goberno de España unha compensación polo déficit que significa”, argumentou o rexedor.
O Concello de Vigo puxo en marcha este martes o plan de tráfico especial para iniciar as obras do novo acceso á Autoestrada do Atlántico (AP-9) desde o centro da cidade. A actuación inclúe a derruba do paso elevado da rúa Alfonso XIII e a construción dun túnel. “Rectificamos un erro histórico”, dixo Abel Caballero.