Abel Caballero deu conta hoxe das obras que se están acometendo neste 2017, por valor de 11,8 millóns de euros, e das previstas para 2018 que supoñen a "transformación da cidade e a xeración de emprego" nun contexto de débeda cero, superávit e pronto pagamento.
As obras acometeranse na rúa Fátima, na primeira fase da rúa Colombia, en María Berdiales e en Canceleiro, entre Rosalía de Castro e Serafín Avendaño. Ademais, a Xunta de Goberno Local aprobou o plan de conservación do enil da duna e o areal do Vao-Baluarte.
O alcalde asistiu este mércores ao acto de apertura do sexto establecemento de Mercadona na cidade, no centro comercial de Pizarro. Caballero salientou que o espazo dará acceso ao barrio de Ribadavia a través da escaleira mecánica e un ascensor, unha nova acción do Vigo Vertical que "terá un efecto moi notable na vida da cidade".
O alcalde visitou este martes a rúa, que vén de ser humanizada polo goberno vigués entre as rúas Xílgaro e Gregorio Espino, por importe de case 1,2 millóns. Como elementos singulares, Caballero subliñou a incorporación deste pavimento que absorbe CO2 e a posta en valor do entorno con información das aves que dan nome aos viais do barrio.<br />
Cun investimento total de 6,5 millóns de euros, Abel Caballero inaugurou este luns pola mañá a Avenida logo da obras realizadas nun tramo de case medio quilómetro e anunciou o comezo da última fase da humanización.
A Xunta de Goberno Local aprobou a clasificación de ofertas para a contratación do ascensor panorámico que conectará a rúa San Salvador coa Praza Isabel A Católica dentro do programa Vigo Vertical. Ademais, deuse o visto bo ao convenio coa Consellería de Ordenación do Territorio para o financiamento da redacción do PXOM ata un máximo do 50%.
O alcalde informou este xoves da activación deste plan -aprobado polo goberno de Vigo en outubro de 2011- que inclúe a supresión de regos, baldeos e fontes, entre outras. Caballero apuntou que o subministro está garantido 104 días mais é preciso un aforro de auga "de verdade", polo que solicitará a adopción das mesmas medidas nos municipios que reciben auga dos encoros vigueses.<br />
A Xunta de Goberno Local aprobou o expediente de contratación do novo proxecto do Vigo Vertical, unha completa redefinición do parque, entre outros aspectos, cun ascensor entre Torrecedeira e Pi y Margall e unha gran área infantil. O Concello adica ao efecto 2,8 millóns, explicou Caballero.
A empresa que realiza as obras de Balaídos revisará toda a cuberta de Río ao detectarse un problema en 13 das 3.000 barras que forman o primeiro módulo da estrutura. Con obxectivo de garantir ao máximo a seguridade, dixo o rexedor, mañá mércores procederase a baixar a parte do módulo afectada para estudar a situación con maior rigurosidade.
Caballero informou este venres da licitación -por 871.000 euros- da remodelación da rúa, que engade aos estándares habituais de calidade das humanizacións a instalación dun elevador acristalado á altura da rúa Instituto Oceanográfico. O alcalde tamén anunciou a aprobación das reformas de José Frau e Camilo José Cela.