O alcalde visitou este venres a conexión -que quedou pendente pola evolución da obra das ramplas mecánicas da Gran Vía- coa que se conclúe a vía ciclista entre Teis e a Avenida de Europa, onde o Concello e a Deputación investiron máis de 5 millóns. Vigo tramita xa as expropiacións para prolongala ata Samil.
O rexedor vén de propoñer ao presidente da Xunta un convenio de colaboración para remodelar as rúas que rodean a Cidade da Xustiza. En rolda de prensa, eloxiou a calidade arquitectónica do proxecto no que considerou fundamental a incorporación das ramplas de Gran Vía para facilitar a súa accesibilidade e reducir o uso de vehículos na zona.
A Xunta de Goberno Local aprobou na sesión deste xoves os convenios coa Deputación Provincial de Pontevedra que inclúen 26 actuacións conxuntas no rural ás que se suman outras tres humanizacións conveniadas no centro da cidade. Abel Caballero e Carmela Silva destacan a importancia da cooperación de ámbalas institucións.
A Xunta de Goberno Local aprobou este venres os proxectos de humanización de 22 rúas da área rural e, na contorna urbana, o proxecto de humanización das rúas Julia Minguillón e Vista Alegre que ten un orzamento superior a un millón de euros.
O goberno local avanza na tramitación da remodelación de Baixada á estación e mañá aprobará o proxecto, dotado de 2 case dous millóns de euros. Está previsto que as obras comecen en xaneiro de 2021 e se alonguen durante 6 meses.
A Xunta de Goberno Local deu luz verde este xoves a varios proxectos de humanización, entre os que destaca a rúa García Barbón, entre Rosalía de Castro e Isaac Peral que ten un orzamento de 2,2 millóns de euros e varios proxectos no rural de Vigo.
Concello e Deputación están a humanizar 1,3 km da estrada Porto cun importe de 3,5 millóns dos que o 70% é achegado polo organismo provincial, que cederá ao Concello a titularidade do vial. Cun prazo de execución de 18 meses, a actuación prevé a ampliación da estrada e a construción de muros, así como beirarrúas en ambos marxes do vial.
Abel Caballero e Carmela Silva presidiron este luns o acto de apertura do novo recinto deportivo, custeado polo Concello e a Deputación, que comeza a súa actividade con xadrez, ximnasia e tenis de mesa. O alumnado do CEIP Doutor Fleming empregará tamén a instalación polas mañás.
O Concello buscará a mellor solución técnica para conectar García Barbón coa nova estación de Urzáiz e a rúa Vía Norte organizando un concurso de ideas no que espera participen os arquitectos máis prestixiosos. Tal e como explicou o rexedor, trátase de dispor dun maior número de propostas mecánicas de acceso o que permitirá facer unha avaliación máis completa das vantaxes arquitectónicas, estéticas, construtivas e económicas.
O alcalde adiantou este venres a data de inauguración da nova dotación deportiva á que Concello e Deputación adicaron máis de dous millóns de euros. Para a próxima semana está prevista a apertura ao público dos campos de fútbol e o 1 de outubro, os ximnasios do Berbés e do Carme, con protocolos Covid.