Abel Caballero presentou esta mañá as grandes liñas do maior orzamento da historia da cidade que en 2019 alcanzará os 257,5 millóns. Co obxectivo de seguir estimulando a economía e unha clara vocación social, os investimentos superarán os 30 millóns, un 17,2% máis que en 2018 e a política social alcanzará os 17,5 millóns, un 18,2% máis que o pasado exercicio.
O alcalde de Vigo destaca os avances que supoñen a utilización do superávit para os fins sociais que sempre reclamaron os concellos. As previsións sobre taxas de reposición, a devolución das plusvalías e os índices de referencia para limitar desde os consistorios o aumento desmesurado dos alugueres son outros capítulos destacados.
Os datos do Ministerio de Facenda revelan que Vigo abona as súas facturas en 13,32 días de media, mentres que as Comunidades Autónomas tardan 33,3 días, a Administración Central paga en 50 días e as entidades locais, en 63,4 días. Abel Caballero subliña o "modelo de xestión eficaz" de Vigo, que ademais ten superávit, débeda cero e cumpre o teito de gasto.<br />
Abel Caballero participou este martes na inauguración da vixésima edición de Conxemar que este ano amplía nun 20% a súa capacidade grazas ampliación do recinto feiral. "Esta feira é o éxito dos homes e das mulleres do mar", sinalou o rexedor.
O Pleno do Consorcio da Zona Franca aprobou os seus orzamentos para o vindeiro ano 2019. O alcalde valorou que dos 41 millóns de investimentos que prevé, un total de 39 sexan na cidade de Vigo. "Coa chegada de David Regades, cambia a forma de entender a Zona Franca", sinalou Caballero.
Abel Caballero pediu este luns á Xunta de Galicia que suprima o coñecido como "céntimo sanitario", a taxa que aplica na venda de gasolina e gasoil na comunidade autónoma. O alcalde avanzou que levará ao seguinte pleno unha moción para reclamar a supresión do imposto.
Anunciouno este venres o alcalde tras ser aprobadas as ordenanzas fiscais. A non aplicación do IPC do 1,5% supón un aforro de 2,8 millóns para a cidadanía, explicou Caballero, quen engadiu que as motos de máis de 125cc verán rebaixado o seu imposto noutro 10%. A presión fiscal viguesa, a menor das urbes galegas, vese reducida nun 1,5% en termos reais.
Tras entrevistarse coa Federación de Usuarios do Porto de Vigo, Abel Caballero explicou que acordaron, "e trasladareino ao Goberno de España", aumentar o número de membros dos consellos de administración portuarios para dar máis presenza aos usuarios, e reducindo dietas para aforrar custes.
O alcalde de Vigo recibiu este mércores no Concello de Vigo aos representantes das asociacións de enxeñeiros industriais que organizarán o II Congreso Internacional sobre Prevención e Seguridade Industrial 4.0. Abel Caballero comprometeuse a dar apoio as colectivos Ageinco, Aprosal e Coitivigo-Cgeti para poder desenvolver as actividades do congreso.
O alcalde resaltou hoxe a importancia de que Vigo sega a ser o concello de España que mellor paga aos seus provedores, segundo datos da Asociación de Autónomos de España que ratifica ano a ano o Ministerio de Facenda. A Deputación de Pontevedra ocupa o segundo lugar desta clasificación de entidades pagadoras.