xoves, 22 nov 2018
O alcalde de Vigo mantivo esta mañá un encontro con responsables de centros educativos de Primaria e de Secundaria da cidade aos que reiterou o compromiso municipal para seguir atendendo as necesidades do alumnado a través das achegas de comedor e de libros. O Concello adica 1,2 millóns de euros a axudas de comedor, incrementando a partida en 137.000 euros para poder atender todas as peticións. A esta cantidade hai que sumar os 600.000 euros que xestiona FOANPAS. As bolsas para libros teñen orzamento de 110.000 euros.
venres, 16 nov 2018
O Goberno de España cedeu de balde ao Concello o antigo ambulatorio de Teis, en Enrique Lorenzo 54, acordo xa formalizado pola Xunta de Goberno Local . O alcalde anunciou este venres o encargo da redacción do proxecto.
mércores, 14 nov 2018
Abel Caballero saudou esta mañá aos alumnos do comedor escolar do CEIP Canicouva nunha visita organizada con motivo do Día da Diabetes. Previamente, en rolda de prensa, o rexedor lembrou que o Concello outorga unhas cinco mil bolsas de comedor cun orzamento de dous millóns de euros.
xoves, 8 nov 2018
Abel Caballero informou este xoves en rolda de prensa das novas peticións chegadas ao Concello para a construción de cubertas para sete colexios de Vigo. O rexedor sinalou que está en marcha actualmente un investimento de case dous millóns e reclamou á Xunta que asuma as súas competencias para solucionar os problemas nos centros escolares.
xoves, 8 nov 2018
Segundo informou este xoves Abel Caballero, o goberno de Vigo resolveu a convocatoria de bolsas de libros e comedor escolar, cun total de case 4.500 alumnos beneficiados este curso. Para o comedor, o Concello incrementou en 138.000 euros a partida para evitar a lista de agarda e completar toda a demanda.
mércores, 7 nov 2018
Cualifica as aulas universitarias a distancia como un "obxectivo cumprido" que neste curso suma 1.009 estudantes cun custo total para o Concello de 900.000 euros.
martes, 30 out 2018
A Xunta de Goberno Local tomará coñecemento este mércores da interposición do recurso contencioso-administrativo contra a resolución da Xunta de Galicia que desestima a petición do Concello para aplicar a "Lei Vigo" e poder executar o acceso ao Colexio Párroco don Camilo, en San Andrés de Comesaña.
venres, 19 out 2018
O centro comezou este venres os actos polo 50º aniversario, que se prolongarán no presente curso escolar. Esta efeméride os fai acredores do galardón de Vigués Distinguido deste ano, segundo anunciou o propio Abel Caballero aos estudantes, pais e profesorado do Mosteiro Bembrive.
xoves, 11 out 2018
Dentro da programación prevista no Plan de Estudos da Escola Municipal de Artes e Oficios, faise a convocatoria dos seguintes cursos monográficos: "O debuxo como linguaxe na moda: O figurín II", "Elaboración de espadillas", "Serigrafía aplicada ás técnicas de esmaltado ao lume", "O libro ilustrado: O gravado coma imaxen do texto". Os cursos están abertos ás persoas interesadas que non estean matriculadas no curso 2018-19 na EMAO e que cumpran os requisitos indicados en cada un dos cursos.
martes, 9 out 2018
Abel Caballero deu conta esta mañá do regreso dos primeiros participantes do programa de inmersión lingüística municipal, que seguirá nos próximos días de xeito escalonado. En declaracións aos medios comprometeuse a manter, polo menos, as mesmas bolsas que este ano cando viaxaron 750 de 3º da ESO aos que se sumarán outros 92 da Escola Oficial de Idiomas.
