martes, 7 feb 2012
O alcalde de Vigo, Abel Caballero, explicou este martes que o borrador do orzamentos municipais para 2012, entregado hoxe aos grupos políticos, ascende a 220,3 millóns de euros, un 2,07% menos que o de 2011 pola caída de ingresos. Segundo explicou o primeiro edil, as contas aumentan os recursos adicados a emprego, políticas sociais, instalacións deportivas e transporte público, ao tempo que caen o gasto en órganos de goberno e diminúe a débeda do Concello. <br />
xoves, 29 dec 2011
O alcalde, Abel Caballero, e a concelleira de Economía e Facenda, Raquel Díaz, informaron hoxe xoves dos orzamentos elaborados polo goberno local para 2012, un texto "austero e realista" de 219,9 millóns de euros, un 3,02% menos que o actual. Caballero identificou o emprego, a construción dunha cidade sostible e a política social como eixos dun orzamento con 18,3 millóns de investimento, que aforra en gasto corrente e de persoal e incrementa as partidas para xeración de emprego e atención social.
martes, 25 out 2011
O goberno local, a través da Concellería de Economía e Facenda, rubricou este martes a orde de pago dos 10,8 millóns dunha sentenza xudicial derivada dunha operación urbanística "nefasta" adoptada nos anos 90. O alcalde apuntou que estas "actuacións equivocadas" de gobernos anteriores deberían ser explicadas polos seus responsables, e recordou que é o executivo que encabeza o que fai fronte ás indemnizacións.
venres, 29 xul 2011
A Xunta de Goberno Local deu este venres luz verde ao padrón do Imposto de Bens Inmobles (IBI) e o Imposto de Actividades Económicas (IAE) correspondente ao 2011, que rexistran un "lixerísimo aumento" nos ingresos previstos con respecto ao pasado ano, acadando os 64,6 millóns. O IBI suma inscripcións e importe recibido mentres que cae o IAE en ambos parámetros.
martes, 26 xul 2011
O Pleno do Concello de Vigo aprobou hoxe martes instar ao Goberno de España e á Xunta a desbloquear de forma urxente o instrumento financieiro-fiscal "tax lease", pactando unha resolución final entre o Goberno Central e Unión Europea. Logo dun debate conxunto das mocións que cada grupo político presentaba por separado, todos os concelleiros refrendaron por unanimidade a resolución que xa aprobaran no Consello Económico celebrado o pasado luns 18 de xullo.
martes, 28 xuñ 2011
A axencia estadounidense Fitch Ratings emitiu o pasado 22 de xuño o seu informe sobre a calificación do Concello de Vigo, confirmando a máxima nota posible na débeda a curto prazo, F1+, e a segunda mellor na de longo prazo, AA, definida como "moi boa". Fitch, que estudou in situ as contas municipais en base ao orzamento de 2011, avalia igualmente as perspectivas do Concello para o futuro, que cualifica de "estables".
venres, 10 xuñ 2011
O alcalde en funcións, Abel Caballero, insistiu hoxe venres na necesidade de que todas as administracións defendan "conxuntamente o futuro do naval vigués e español" ante a denuncia recibida desde Holanda, cuestionando a legalidade do do sistema de exencións fiscais para os asteleiros en España (tax lease). Así o indicou logo de sendas xuntanzas que mantivo esta mañá con responsables de asteleiros e representantes sindicais do naval.
luns, 20 dec 2010
Abel Caballero avanzou este luns que o próximo xoves 23 de decembro celebrarase o Pleno da Corporación Municipal de aprobación definitiva do orzamento do Concello para 2011 -de 227 millóns de euros- que, no caso de ser validado, será o cuarto consecutivo do goberno local "por primeira vez na historia desta cidade", indicou o alcalde. Caballero recordou que os impostos conxélanse en termos reais e os gastos de persoal redúcense en case un 5%.
luns, 29 nov 2010
O Pleno da Corporación ratificou este luns definitivamente as ordenanzas fiscais para 2011. Os impostos conxelaranse tras a aplicación do IPC (un 1,5%), non se actualizarán as taxas de escolas infantís e centros de maiores, e reducirase a de asistencia domiciliaria nun 1,31%. A concelleira de Facenda, Raquel Díaz, subliñou que a carga fiscal da cidadanía diminuirá o vindeiro ano, pese a ser hoxe en día o gran concello galego con menor carga fiscal.
luns, 22 nov 2010
En virtude do convenio asinado en 2007, a concelleira de Economía e Facenda, Raquel Díaz, fixo hoxe luns entrega dunha achega de 250.000 euros ao alcalde pedáneo de Bembrive, Benito Pérez, correspondente á anualidade de 2010 para acometer obras de mantemento. A edil afirmou que os investimentos do Concello na parroquia desde entón ascenden a catro millóns de euros.
