martes, 20 mai 2003
O campamento de verán organizado pola Concellería de Deportes, en colaboración coa Fundación VIDE, que se desenvolverá en Muíños, no Parque Natural do Xurés, amosará distintas tarefas da cultura tradicional. Así, os nenos asistentes coñecerán de preto labores agrícolas-gandeiros e afondarán na historia de Galicia, a través das pedras da Vía romana XVIII que unía as vilas de Braga e Astorga, ao seu paso pola Baixa Limia. Ademais, os rapaces practicarán deportes como o piragüismo, a bicicleta de montaña ou a pesca con cana acompañados de monitores.
luns, 19 mai 2003
A Concellería de Deportes organiza o campionato nacional de fútbol praia que se disputará do 8 ao 13 de xullo na praia do Vao coa participación de preto de 1.000 deportistas. A inscrición é gratuíta.
mércores, 7 mai 2003
O concelleiro de Deportes, Santiago Domínguez, presentou a 25 edición do medio maratón popular que se celebrará o 18 de maio a partir das 10:30 horas.
martes, 6 mai 2003
O concelleiro de Deportes, Santiago Domínguez, presentou na Fundación Vide o XI Campionato Galego de Billar Pool que se desenvolverá os días 4, 5, 6, 11, 12 e 13 de xullo no Instituto Feiral de Vigo.
luns, 5 mai 2003
O padroado da Fundación Vide reuniuse para aprobar o balance e memoria de 2002 e presentou o orzamento previsto para o 2003.
martes, 22 abr 2003
A Fundación Vigo en Deporte, en colaboración con Viaxes Eroski, reparte 100.000 euros entre todos os clubes de Vigo, froito da venda de rifas entre milleiros de siareiros, ao prezo dun euro.
martes, 15 abr 2003
O IV Trofeo internacional "Cidade de Vigo" de carreiras de orientación celebrarase o 3 e 4 de maio organizado pola Asociación galega de clubes de orientación (Agaco) en colaboración coa Universidade e a Concellería de Deportes.
luns, 14 abr 2003
O alcalde di que a dotación será outro elemento que favorecerá a revitalización do barrio
xoves, 10 abr 2003
"O mundo subacuático" é o título da conferencia do ciclo "Natureza sen límite" organizado polo Club Montañeiros Celtas coa colaboración da concellería de Deportes que se celebrará o 11 de abril no paraninfo da Escola Universitaria de Enxeñeiros Técnicos Industrias (Peritos), a partir das 20:00 horas. Con esta charla péchase este ciclo de conferencias que trataron sobre a espeleoloxía, o kaiak de mar, o esquí de montaña e o descenso de canóns.
xoves, 3 abr 2003
"Colgados río abaixo" é o título da conferencia do ciclo "Natureza sen límite" organizado polo Club Montañieros Celtas coa colaboración da concellería de Deportes que se celebra o 4 de abril no paraninfo da Escola Universitaria de Enxeñeiros Técnicos Industrias (Peritos), a partir das 20:00 horas.
