martes, 15 xuñ 2010
A décima edición da Vigo Cup, torneo internacional de fútbol base, disputarase do vindeiro 28 de xuño ao 4 de xullo en dez campos de Vigo e contará con 184 equipos de 63 clubs, dos que once clubs (24 equipos) pertencen a entidades deportivas de Estremadura, Castela León, Madrid, Canarias e Portugal. Así o anunciou hoxe o tenente de alcalde, Santiago Domínguez, acompañado polo concelleiro de Deportes, Xabier Alonso, e a directora xerente de VIDE, Laura Magdalena, durante a presentación do evento na sede da fundación.
luns, 14 xuñ 2010
O tenente de alcalde, Santi Domínguez, e o concelleiro de Deportes, Xabier Alonso, inauguraron onte o novo campo de fútbol municipal de Navia, que leva o nome do ex xogador do Celta, Deportivo e Real Madrid, Pahiño. Na súa intervención, o tenente de alcalde destacou que esta nova infraestrutura é un exemplo máis da aposta do BNG polo deporte de base.
xoves, 10 xuñ 2010
O tenente de alcalde, Santi Domínguez, e o concelleiro de Deportes, Xabier Alonso, visitaron este xoves o novo campo de fútbol municipal de Navia co obxectivo de ver "os últimos retoques antes da súa inauguración" o vindeiro domingo. Na visita, o tenente de alcalde anunciou que o novo campo será estreado ás 12 horas cun partido "moi atraínte para os efeccionados e afeccionadas", como o que disputarán os equipos de veteranos de Celta e Deportivo.
xoves, 10 xuñ 2010
Vigo recibirá, por primiera vez, esta fin de semana o Campionato de España de Patinaxe de Velocidade, unha modalidade "descoñecida na cidade pero que é espectacular", explicaba Xabier Alonso, concelleiro de Deportes, durante a presentación do evento. A pista que circunda o campo de fútbol das Travesas será escenario do evento. O circuíto ten unha corda de 328 metros e un chan de asfalto. Este venres será a xornada de adestramentos, e sábado e domingo, a competición.
xoves, 3 xuñ 2010
A Fundación Vigo en Deporte presentou a súa memoria de actividades e económica do ano 2009, que pechou con balance positivo de 13.856 euros, o que permitiu a VIDE incrementar o seu patrimonio neto por segundo ano consecutivo, unha condición indispensable para a saúde económica da Fundación e para a consolidación das súas contas.
mércores, 2 xuñ 2010
O concelleiro de Deportes, Xabier Alonso, anunciou hoxe que a Pista Vermella do polideportivo das Travesas acollerá o vindeiro sábado, 5 de xuño de 9:30 a 14 horas, o IV Trofeo Concello de Vigo de Bádminton e o I Memorial Luis Miró. Na presentación do torneo, o nacionalista resaltou que serán más de cen deportistas os que participarán na proba, nas categorías de benxamín, alevín, infantil e cadete.
martes, 1 xuñ 2010
O concelleiro de Deportes, Xabier Alonso, recibiu hoxe aos integrantes dos clubs Sieiro e Flic-Flac que esta fin de semana subiron ao podio nas diferentes modalidades do Campionato de España de Ximnasia Acrobática e Tumbling. O nacionalista quixo felicilitar persoalmente a todos os ximnastas e tamén agradecer aos clubs o bo traballo que están a facer.
venres, 28 mai 2010
O concelleiro de Deportes, Xabier Alonso, anunciou este venres que o polideportivo das Travesas acollerá mañá e o domingo o Campionato de España de ximnasia acrobática. O nacionalista destacou a participación do club vigués Flic Flac, polo que animou á cidadanía a comprobar a espectacularidade dunha especialidade deportiva baseada na disciplina e o esforzo.
venres, 21 mai 2010
O Rally Rías Baixas reunirá este ano a 67 equipos entre os que están os catro millores pilotos clasificados no Campionato de España. O tenente de alcalde sinalou hoxe na presentación da proba, que sendo este un dato moi relevante, "a mellor noticia que hoxe podemos dar é que un ano máis estamos presentando o Rally". O nacionalista facía así referencia aos momentos de incerteza que hai uns meses se viviron sobre a continuidade da proba.
xoves, 20 mai 2010
O concelleiro de Deportes, Xabier Alonso, recibiu este xoves aos integrantes das seleccións galega e inglesa de balonmán, que mañá se enfrontarán nun partido amigable que terá lugar no pavillón das Travesas ás 20.45 horas. Na recepción, que tivo lugar no Concello de Vigo, o nacionalista expresou o seu agradecemento á Federación Galega de Atletismo "por apostar e manter as competicións da selección galega".
