A mostra que se inaugura no Marco recupera a antiga sección da Fotobienal. A producción da exposición incluíu a restauración e catalogación das imaxes realizadas por fotógrafos de ámbito internacional arredor do paisaxe e influencia viguesa. As fotografías integran a Colección Fotográfica do Concello de Vigo.
O concelleiro de Cultura, Carlos Príncipe, afirmou que Del Riego é un exemplo e un modelo de persoeiro galego universal.
O ciclo de Música Sacra que organiza a concellería de Cultura ábrese cun concerto dedicado á música relixiosa no barroco alemán a cargo de José Antonio Carril e a Ensemble Barroco do Chiado. O concerto, público e gratuíto, comezará ás 21:00 horas na Concatedral de Santa María de Vigo.
Do 10 ó 13 de abril celebrarase a cuarta edición do ciclo de Música Sacra que organiza a concellería de Cultura co patrocinio de Caixagalicia. O concelleiro de Cultura, Carlos Príncipe, presentou o programa dos catro concertos que terán como escenario a Concatedral Santa María de Vigo e o auditorio do Conservatorio Superior de Música de Vigo, con entrada libre ata completa-lo aforo.
A Concellería de Cultura patrocina a mostra "Cartas ao meu amigo. Epistolario mindoniense a Francisco Fernández del Riego" que se exhibe na Casa Galega da Cultura. A Editorial Galaxia publicou un libro coa reproducción das cartas.
A exposición titulada ”Formas de ser”, da artista viguesa Andrea Costas, que se poderá visitar na Sala B da Fundación Laxeiro ata o vindeiro 20 de abril. Na exposición, organizada pola Fundación Laxeiro en colaboración co Centro de Estudios Fotográficos, figuran imaxes de tres series de fotografías: Tempo ao tempo, Incorporados e Composturas.
As sesións abertas "A ópera e Vigo", do I Congreso internacional de musicoloxía, analizan o sábado ás 17:30 a influencia deste xénero na cidade.
O Museo de Arte Contemporánea inaugura o 10 de abril a exposición de Vigovisións 1986-2000, dentro do seu labor de revisión histórica e recuperación de autores e movementos contemporáneos en Galicia. A mostra compila as distintas imaxes creadas para a sección Vigovisións da Fotobienal ao longo das súas distintas edicións.
O concelleiro de Cultura, Carlos Príncipe, presentou o Primeiro Congreso Internacional de Musicoloxía que se celebrará na Fundación Mayeusis os días 4 e 5 de abril e que leva por título "A ópera en Vigo". O congreso organizado polo Instituto de Estudios Vigueses, en sesións abertas, está enmarcado no proxecto da Unión Europea "European Musical Heritage and Migration" que desenvolve o Instituto da Música Latinoamericana e que está coordinado en España por Enrique Sacau.
Os visitantes de Verbum-Casa das Palabras poderán pasar gratis de outubro a maio a partir das 17:00 horas de martes a venres.