Durante a presentación deste xoves, Abel Caballero salientou que o acto -este sábado, 2 de maio, ás 13:30 horas no IFEVI- servirá ademais de "homenaxe a cinco persoas que se caracterizaron sempre polo apoio e a loita en favor do pobo saharaui", unha causa "xusta e razonable". O Concello colabora neste evento, organizado por "Solidariedade Galega co Pobo Saharaui".
Abel Caballero informou este martes que, no día de onte, o goberno que encabeza outorgou un total de 150 axudas de emerxencia para que familias que o precisen poidan facer frente a pagos de alimentación, enerxía eléctrica e aluguer. Dos case medio millón de euros orzamentados para o 2015, o goberno local leva gastados neste concepto 320.000 euros, polo que o alcalde adiantou que a partida será ampliada, como aconteceu no 2014.
Abel Caballero asinou este martes sendos convenios polos que o Concello de Vigo achega un total de 26.000 euros para subvencionar a contratación dun intérprete de lingua de signos para a Asociación de Persoas Xordas de Vigo. O alcalde indicou que esta axuda "forma parte do apoio habitual que lle damos a esta Asociación, coa que estamos colaborando desde hai oito anos".
O alcalde rubricou este mércores sendos acordos de colaboración polo que o goberno de Vigo achega ao Banco de Alimentos 86.000 euros -ao que se engaden outros 40.000 euros para sufragar o seu local, segundo apuntou Caballero- e a Vida Digna outros 90.000 euros, para o seu comedor e centro de atención social.
Abel Caballero e concelleiros do goberno local mantiveron este mércores unha reunión con responsables de entidades de carácter social que traballan en Vigo, institucións que practicamente so reciben apoio económico do Concello nun momento no que a demanda de atención social aumenta. O rexedor denunciou este "abandono" das administracións provincial e autonómica.
A Xunta de Goberno Local deu luz vede ás bases e á convocatoria das bolsas municipais de libros e comedor para o próximo curso escolar 2015-2016, cun investimento total do Concello próximo aos 2 millóns de euros. O obxectivo do equipo que dirixe Caballero é a concesión da axuda a todos os que o precisen e, como xa acontece neste curso, eliminar a lista de agarda.
No marco do Día Mundial, e co obxectivo de facer fincapé na sensibilización e na prevalencia, a Fundación Menela celebrou este xoves no auditorio do Concello un evento lúdico e reivindicativo coa participación de decenas de rapaces da entidade. O alcalde, Abel Caballero, encabezou a representación institucional, xunto á tenente de alcalde, Carmela Silva, edís da Corporación viguesa e membros das administracións provincial e autonómica.
O alcalde asinou esta mañá un convenio de colaboración de 114.000 cos Hermanos Misioneros de los Enfermos Pobres. O obxectivo, explicou na posterior rolda de prensa, é cooperar na financiación da Casa de Acollida que esta institución xestiona en Vigo.
O alcalde de Vigo asinou hoxe martes un convenio de 46.000 euros co Comedor da Esperanza, proseguindo coas achegas a comedores sociais da cidade aos que o goberno local adica 446.000 euros. En rolda de prensa, destacou que Vigo é o concello coa política social "máis intensa" de toda España, logo de asegurar que con apoio municipal no ano 2014 servíronse 161.000 comidas nas distintas ONGs da cidade.
O alcalde deu conta esta mañá do acordo de colaboración con Érguete de 45.000 euros para financiar os pisos de apoio á reinserción de ex toxicómanos en tratamento. Destacou o compromiso do goberno local na loita contra a drogodependencia que adica a Cedro un millón de euros ao ano, a pesar de que as competencias sanitarias no son municipais, senón autonómicas. <br />