O alcalde recibiu na Alcaldía ao embaixador de Chile, Javier Velasco, que visitou a cidade con motivo da feira de Conxemar para amosar o seu apoio ao stand do país andino. Os dirixentes achegaron posturas para coñecer máis sobre a cultura tanto da zona de Vigo como de Chile, con disposición de colaborar e estreitar lazos. Velasco transmitiulle a Abel Caballero a súa admiración pola súa traxectoria profesional e política.
O alcalde sinalou que “nun momento de guerra en Europa, Conxemar planta en Vigo a súa bandeira da paz e da cooperación” destacando a importancia para “a economía a presenza de persoas e empresas de tantos países do mundo”.
O alcalde aproveitou a súa participación esta mañá na inauguración da décima edición do Congreso FAO Conxemar para reivindicar Vigo como capital de la pesca sostible e criticou a “discrecionalidade” do regulamento comunitario que prohibe pescar en augas profundas. Na súa intervención, tamén reiterou a demanda de que Vigo sexa sede permanente da FAO.
O alcalde solicitou a redución do caudal ecolóxico en Eiras, dada a situación de prealerta na que se atopan os ríos Verdugo e Oitavén. Segundo estimacións, unha rebaixa dun 25% deste caudal permitiría aforrar un 19% da demanda diaria desta presa.
Tal e como apuntou na rolda de prensa deste venres, o goberno municipal iniciará o procedemento para erguer as novas instalacións. Amais informou da inauguración do pavillón de Quirós, en Sárdoma, este sábado 1 de outubro.
Vigo optará a fondos europeos para a implantación de Zonas de Baixas Emisións que se estenderán ao longo de máis de 67 hectáreas dividas en zonas: centro, Plaza Portugal, Bouzas e Calvario. Con este obxectivo optará a máis de 5 millóns de fondos europeos, una cifra se supera os 9 millóns nesta fase xa que inclúe cinco elementos de mobilidade sostible.
O alcalde amosou a súa satisfacción co proxecto do goberno portugués de alta velocidade Lisboa-Porto-Vigo que presentou este mércores. Abel Caballero lembrou que España tamén está a traballar no Estudo de Alternativas da Saída Sur Ferroviaria de Vigo que permite a conexión entre a estación de Urzáiz e a fronteira co país luso.
O alcalde celebra o Día Internacional do Turismo nun acto organizado pola Deputación de Pontevedra coa presenza do Secretario de Estado de Turismo.
Durante a visita ao edificio que albergará as futuras instalacións de SPARC, a planta de semiconductores fotónicos, Abel Caballero puxo en valor a posta en marcha da factoría na cidade, coa previsión de que inicie a súa actividade en 2025.
Abel Caballero propuxo esta mañá acordar unha reunión con Alfonso Rueda para falar de cuestións pendentes coa cidade. Así llo trasladou nunha carta que lle enviou en resposta á recibida onte luns, unha misiva “chea de falsedades e inexactitudes” que “volve ser un non a todo o que se prantexa en Vigo”.