Abel Caballero visita Conxemar xunto ao ministro de Agricultura e Pesca
O alcalde asistiu á Feira de Conxemar xunto ao ministro de Agricultura, Pesca e Alimentación, Luis Planas. O mandatario do Goberno de España achegouse a Vigo para participar na feira de peixe conxelado "máis importante do mundo", tal e como expresou durante estes días Abel Caballero. Os representantes institucionais percorreron os distintos stands onde puideron observar de primeira man o "produto de calidade" que se está a comercializar estes días no Instituto Feiral de Vigo. Conxemar bateu récords de postos e países participantes nesta 24º edición na que a Food and Agriculture Organization (FAO) estivo presente nos actos inaugurais do evento. O alcalde abrazou estes días a idea de que axencia da ONU manteña una representación e oficina permanente na cidade de Vigo "como capital mundial da pesca".
![](https://xornal.vigo.org/storage/images/opt/LHoMEgJlNRpTUqkg64pA1zKoe4keX1NJv4ClLCSd.jpeg)
![](https://xornal.vigo.org/storage/images/opt/LHoMEgJlNRpTUqkg64pA1zKoe4keX1NJv4ClLCSd.jpeg)
![](https://xornal.vigo.org/storage/images/opt/BkyWWKJNdxoR8ZxD5v1DDG7XkIptLQUASZ8qFjMY.jpeg)
![](https://xornal.vigo.org/storage/images/opt/MeXmGAEvt5hI7KuP0PwV29YWxe2VloeIma1WxUrq.jpeg)