Abel Caballero informou hoxe luns da aprobación por parte da Xunta de Goberno Local da contratación de obras de construción de beirarrúas en Castrelos, Saiáns, Santa Marina e A Madroa por valor de 644.500 euros con cargo aos orzamentos de 2008.
A Xunta de Goberno Local aprobou hoxe luns a modificación do trazado do aparcadoiro do Areal, que por mor dos vestixios arqueolóxicos atopados reducirá o seu tamaño das 556 prazas iniciais ás 345 definitivas. O alcalde estimou que "a comezos de outono" poderán comezar as obras e o final da construcción apenas variará e será a inicios de 2011.
Os 120 contedores soterrados da cidade carecen dun servizo de mantemento e reparación desde a súa instalación inicial, tramitación que continua o Concello cun orzamento de 53.000 euros. A Xunta de Goberno Local aprobou asemade este luns a adxudicación das 125 bolsas para escolares vigueses que estudarán inglés este verán no Reino Unido e Irlanda.
A Xunta de Goberno Local tomou hoxe luns coñecemento da subvención europea de 4 millóns de euros para a rexeneración urbana de Teis, máis un millón de aportación municipal, e autorizou á Concellería de Promoción Económica e Emprego que dirixe Santos Héctor a por en marcha as melloras no barrio. <br />
A Xunta de Goberno Local aprobou este luns os pregos de contratación das becas de inmersión lingüística en inglés, con 300.000 euros de investimento, das que beneficiaranse este verán 120 escolares vigueses, 20 máis que no 2008. Tras a "experiencia favorable" do pasado ano, o alcalde indicou que Educación repite o programa para estudar o curso en inglés.
O alcalde visitou este luns os traballos de formación profesional que teñen lugar na actual sede da Fundación Laboral. A dirección da entidade solicitou a Abel Caballero 10.000 metros cadrados para poder construir a nova sede, que financiaría a Seguridade Social, para o que o Concello fará "todo o posible", segundo asegurou o rexedor.