Abel Caballero asinou este mércores o convenio coa responsable da unión comarcal de CC.OO en Vigo, Amelia Pérez, segundo o cal o Concello respalda e fomenta as actividades do sindicato. Tamén en materia de emprego, o goberno de Vigo vén de conceder 30.000 euros a dúas entidades sen ánimo de lucro para proxectos de investigación, innovación e emprego.
A Xunta de Goberno Local deu luz verde á contratación do servizo de aplicacións informáticas por un importe de 139.000 euros e o servizo de mantemento e reparación dos contedores soterrados por un valor de 70.062 euros. A renovación do campo do Carballal sae a licitación por 680.000 euros
O alcalde de Vigo felicitou esta mañá á empresa eléctrica e os servizos técnicos municipais pola boa resposta que tiveron os sistemas eléctricos da cidade na madrugada do pasado xoves cando se rexistrou unha descarga eléctrica "fortísima e profundísima". Ademais, a Xunta de Goberno Local aceptou dous obradoiros de formación e emprego e autorizou o préstamo de varias obras do Museo Quiñones de León.
O alcalde de Vigo anunciou este venres a aprobación do expediente de contratación deste programa de atención social en domicilios particulares, un contrato de case 5 millóns anuais que se amplía para ofrecer 5.000 horas máis cada mes de atención, o que permitirá atender a un total de 800 persoas, cen máis que na actualidade.<br />
A Xunta de Goberno Local aprobou o expediente de contratación do funcionamento do Centro Integral de Inclusión e Emerxencia Social por un prazo de catro anos e cun importe total de 3.699.706 euros. Para o rexedor trátase dun "albergue de atención integral" que garante que "ninguén que queira durmir a cuberto deixa de ter un teito en Vigo".
Co fin de impulsar a formación deportiva da infancia o presuposto das escolas deportivas medra un 15% respecto ao ano anterior. A Xunta de Goberno Local resolveu tamén as axudas municipais excepcionais de comedor a 57 alumnos por un importe de 13.500 euros, aceptou a cesión dunha parcela en Ramón Nieto para ser empregada como horta urbana e aprobou a segregación e agrupación da parcela de Navia para que a Xunta amplíe o CEIP Castelao.
A Xunta de Goberno Local deu o visto bo aos requisitos que deben cumprir as persoas interesadas, que teñen que estar dadas de alta no réxime correspondente da Seguridade Social, ter satisfeitas as taxas pertinentes e posuír seguro de responsabilidade civil. O prazo de solicitude do permiso está aberto co fin de que os mercados poidan volver celebrarse o 3 de xullo en Bouzas e o día 6 en Coia.