Cursos da Oficina Municipal de Voluntariado

mércores, 23 mar 2011

A Oficina Municipal de Voluntariado ven de publicar as liñas de traballo para os vindeiros meses do ano, centradas nos eidos de formación, defensa da natureza, actividades puntuais, programa de entidades e de acompañamento. Para participar nos programas as persoas interesadas deben estar inscritas na Oficina Municipal de Voluntariado.

O Concello ofreceu o seu agradecemento ás entidades, asociacións e cidadáns que colaboran coa Oficina Municipal de Voluntariado

xoves, 23 dec 2010

O alcalde, Abel Caballero, e o concelleiro de Participación Cidadá, Santos Héctor, participaron o pasado martes na tradicional festa do voluntariado, na que o Concello ofrece o seu recoñecemento a aquelas persoas, entidades e asociacións que participan activamente na Oficina Municipal de Voluntariado, recolle as súas suxerencias de mellora de cara ao futuro e entrega os diplomas dos cursos de formación que imparte o departamento. O acto tivo lugar no Salón de Actos do edificio muncipal do Areal coa presenza de decenas de voluntarios.

Caballero defende ampliar o voluntariado no Día Mundial do Voluntario da Asociación Española contra o Cáncro

venres, 10 dec 2010

O alcalde de Vigo participou este venres nos actos que organiza a Asociación Española contra o Cancro no Centro Cívico do Casco Vello en conmemoración do Día Mundial do Voluntario, onde avogou por extender este movemento a outras parcelas da sociedade e inculcar a solidariedade en toda a cidadanía. Caballero eloxiou a aqueles que ofrecen o seu tempo e coñecementos sen contrapartida e animou aos vigueses e viguesas a sumarse ao voluntariado.

A Oficina Municipal de Voluntariado programa para outono cursos e obradoiros gratuitos de formación de voluntarios

martes, 14 set 2010

A OMV, dependente da Concellería de Participación Cidadá que dirixe o socialista Santos Héctor, oferta para o periodo setembro-decembro deste ano obradoiros e cursos de formación básica e específica, entre os que se inclúen risoterapia e relaxación, servizos sociais ou primeiros auxilios, entre outros. As actividades son gratuitas e con prazas limitadas, e as persoas inscritas na Oficina Municipal de Voluntariado terán preferencia.

Recollida de material de urxencia para Haití

venres, 22 xan 2010

Ante os feitos ocorridos en Haití, a Unidade Especial de Protección Anticatástrofes e Salvamento de Emerxencia e Protección Civil, fai unha recollida de material de urxencia no local da Asociación de Veciños de Lavadores, sito na R/ Ramón Nieto, 302, ó lado do campo de fútbol.

O alcalde entrega os diplomas dos cursos de formación organizados pola Oficina Municipal de Voluntariado o longo do ano 2009

martes, 22 dec 2009

Mais dun cento de voluntarios e voluntarias da cidade recollerán hoxe martes de mans do alcalde, Abel Caballero e do concelleiro de Participación Cidadá, Santos Hector os diplomas acreditativos dos cursos e obradoiros realizados o longo deste ano. Os cursos centraronse en formación básica, primeiros auxilios, voluntariado en servicios sociais, habilidades socias, lingua de signos,risoterápia e relaxación.

As praias de Fontaiña e Baluarte protagonistas da "Operación Colilla"

mércores, 1 xul 2009

O sábado, 4 de xullo, terá lugar a denominada "Operación Cabicha-Colilla" nos areais das praias de Fontaiña e Baluarte organizada pola Asociación Fontaiña co apoio do persoal voluntario da Oficina Municipal de Voluntariado. Os traballos realizaranse en horario de 10 a 13.30 horas e consisten en peinar toda a praia recollendo desperdicios de pequeno tamaño de orixe artificial.

Roteiros formativos para o voluntariado ambiental

luns, 25 mai 2009

A Ofina Municipal de Voluntariado organiza a segunda convocatoria dos roteiros formativos, destinados a mellorar a formación e coñecementos dos voluntarios en materia de medio ambiente.Esta edición terá lugar os días 29 e 30 de maio e centráse na conservación dos recursos naturais dos ríos de Galicia.