martes, 9 nov 2021
O alcalde asistiu este martes á apertura da mostra, situada na planta baixa do Auditorio Mar de Vigo, e puxo en valor a visita que permite ver nos planos o Vigo “do pasado, o actual e o do futuro”.
mércores, 27 out 2021
O Pleno aprobou definitivamente este mércores o Instrumento de Ordenación Provisional para un ámbito delimitado pola Avenida Martínez Garrido e as rúas Sagunto, Valladolid, Segovia e Burgos, que conta con parcelas vacantes. O obxectivo é “resolver e dar resposta legal” a actuacións nunha zona “que necesita de rexeneración urbana”, segundo explicou Caride.
venres, 15 out 2021
Unha vez o DOG publicou este venres o anuncio, o prazo de exposición pública do novo PXOM comeza este luns e finaliza o 18 de xaneiro, ambos incluídos. O documento pode ser consultado na web e na oficina habilitada no Mar de Vigo durante tres meses, un máis do establecido: “Unha exposición pública con transparencia para que todo o mundo coñeza ben o Plan”, manifestou o alcalde.
mércores, 13 out 2021
O alcalde visitou este mércores o novo espazo habilitado na planta baixa do Auditorio Mar de Vigo para a exposición do Plan Xeral, equipado con copias en papel e doce ordenadores para a consulta telemática. Ademais, o goberno de Vigo remitiu planos detallados das parroquias ás entidades veciñais para facilitar o coñecemento e comprensión da nova ordenación urbanística.
luns, 11 out 2021
O documento xa está dispoñible na web do Concello e, desde o mércores, o Concello habilita unha oficina no Mar de Vigo con copia en papel e doce equipos informáticos para consultalo. Tamén desde o mércores, o goberno presidido por Abel Caballero permite pedir cita para ser atendido por un experto en urbanismo.
venres, 8 out 2021
O anuncio de aprobación inicial do PXOM sairá publicado nos xornais este luns e o mércores (xa que o martes é festivo) arrancan os tres meses de información pública. Abel Caballero informou da apertura dunha oficina no Mar de Vigo para consulta e resolución de dúbidas cos técnicos, con cita previa.
martes, 28 set 2021
Abel Caballero informou este martes da incoación do procedemento administrativo para tramitar un Plan Especial que regulará o establecemento desta dotación cultural entre a rúa Lalín e o Camiño do Chouzo. O ministro de Cultura comprometeu ante o alcalde a inclusión deste proxecto nos orzamentos estatais.
luns, 27 set 2021
O alcalde visitou hoxe á zona, que está a piques de rematar a obra da praza da Estación e Baixada a Estación.
mércores, 22 set 2021
Abel Caballero explicou que os traballos comezarán xa o venres, cun corte de tráfico para preparar unha operativa “complicada”. Esta unión, de 51 metros, forma parte da segunda fase da obra de construción da vía peonil e ciclista sobre antigo trazado ferroviario, desde o Vialia ata Teis.
martes, 21 set 2021
A Xerencia de Urbanismo deu luz verde este martes á licenza de obra nova e rehabilitación do proxecto de Marqués de Valladares 39, 41 e 43 que comprende un solar e o edificio Ribas.