Logo dun 2020 sen certame pola pandemia, a cidade retoma o concurso desde hoxe xoves ata o 14 de novembro, con premios para os establecementos que sirvan os mellores pinchos e sorteos para os clientes. O edil de Comercio, Ángel Rivas, animou á cidadanía a “vivir o sabor” dun “evento consolidado e referente na hostalería da cidade”.
Abel Caballero achegouse esta mañá ao inicio da instalación da bola de Nadal que, unha vez máis, se situará no farol de Urzáiz. Con 12 metros de altura e diámetro, contará con 43.000 puntos de luz pixel programable led que permitirán programar vídeos de animación de 6 minutos. O peso deste elemento é de 8 toneladas.
Nun encontro con representantes do sector, Caballero trasladoulles que o Concello aplicará “na súa totalidade” as normativa sanitaria establecida pola Xunta co desexo de que “se relaxe a situación e se recuperen aforos e horarios. Cremos que ten que actuarse con criterio de relaxación das normas e baixaremos as restricións todo o que a Xunta nos permita”. Con todo, apelou á prudencia da cidadanía viguesa que o “está facendo moi ben”.
Abel Caballero mantivo un encontro cun grupo de traballadoras da antiga tenda da marca situada na rúa Príncipe. Segundo lle trasladaron, foron despedidas tras o peche do establecemento o pasado 28 de agosto. A empresa indicoulles que non podía recolocalas xa que non estaba previsto abrir outra tenda en Vigo, pero posteriormente abrírona no centro comercial Vialia. O alcalde considera que a empresa “ten que atender a estas traballadoras porque non foron tratadas con lealdade” e transmitiulles o seu apoio ante a situación na que se atopan.
O alcalde achegouse esta mañá ao inicio da montaxe do primeiro elemento ornamental do Nadal 2021. A gran caixa de regalo estará situada un ano máis no cruce entre Gran Vía e Urzáiz.
O alcalde anunciou esta mañá a licitación da primeira fase da humanización da rúa Romil por un importe de 1,2 millóns de euros. A actuación contempla a renovación de pavimentación e canalizacións e vaise prolongar 5 meses.
Caballero cualificou de “moi boa” a ocupación hoteleira que rexistrou esta ponte na cidade, cunha media dun 82,3%. A este respecto, reiterou á Xunta a súa petición de aplicar na hostalería a mesma normativa covid que está vixente en Madrid.
Na tarde deste luns ten lugar o acto de acendido do marcador electrónico de 4x3 metros que descontará o tempo restante ata o 20 de novembro, data para o comezo do alumeado de Nadal. “Queremos empezar a respirar o Nadal”, explicou Caballero: “Xa saben que o Nadal o marca Vigo, que é Vigo quen marca as pautas do Nadal neste planeta”.
O alcalde, Abel Caballero, e o presidente, Ximo Puig, avogan por un enlace diario Vigo-Valencia e abrir unha nova ruta entre a cidade olívica e Alacante, como vía para “aumentar eses espazos de encontro de carácter comercial” entre “dous territorios cunha economía tan potente e tan forte”.
O alcalde, Abel Caballero, fixo entrega este mércores dos recoñecementos xunto ao edil de Comercio, Ángel Rivas. A tapa de D’Antonio alzouse co primeiro premio no concurso, seguida da cociña do Café Bar A Dorna.