A Xunta de Seguridade se reuníu este mércores para tratar da seguridade en xeral da cidade e en particular das parroquias de Cabral e Candeán, tras os robos acontecidos durante o mes de maio. A Policía Local e Nacional manterá a vixiancia especial na zona, e tanto o alcalde coma o subdelegado do Goberno sinalan que non existen razóns para a alarma social.
O alcalde de Vigo e o concelleiro de Transporte e Mobilidade presentaron un novo vehículo para a loita contra o lume, especialmente preparado para actuar nos montes, cun coste de 219.000 euros. A nova dotación contempla unha bomba forestal pesada para a protección do propio vehículo e o brazo articulado de rescate en altura.
No curso actual, a campaña contempla charlas en 80 centros de Vigo, prácticas no Parque Infantil de O Castro e actividades como o reparto de carteis informativos ou a Feira da Xuventude. O departamento de Educación Vial xa está a preparar a programación para o vindeiro curso. O alcalde, Abel Caballero, e o concelleiro de Seguridade, Xulio Calviño, visitaron este mércores o centro de educación vial de O Castro.
Os 138 novos estacionamentos supón un incremento dun 41% con respecto á actualidade, e estarán listos "nun mes". O obxectivo é "mellorar a mobilidade da cidade", finalidade coa que a Concellería de Mobilidade e Transporte está a elaborar un "estudo de mobilidade sostible" cun investimento de 120.000 euros. Xulio Calviño avanza que estas medidas se ampliarán no futuro.
Abel Caballero acude na tarde deste martes ao Centro de Saúde de Coia onde ten lugar un dos cursos de educación vial para mulleres embarazadas que a Policía Local de Vigo está a impartir desde o pasado 12 de maio. A campaña procura o axeitado emprego dos Sistemas de Retención Infantil e se integra dentro dos cursos preparatorios para o parto.
O alcalde de Vigo e o Presidente da concesionaria Eloymar Tranvías asinaron este luns o Acta de Replanteo que da comezo ás obras do aparcadoiro de Policarpo Sanz. Ambos ratificaron que se cumprirán os prazos e en 30 meses estarán concluídos os traballos. O Plan de tráfico xa está en funcionamento ao igual que a sinalización provisional.<br />
Tras o inicio o pasado luns dos traballos do párking de Pintor Colmeiro, o próximo luns, 19 de maio, dará comezo a construcción do seguinte aparcadoiro en Policarpo Sanz. O goberno local xa ten preparado o plan de tráfico, que varía segundo a fase na que se atope a obra. O alcalde, Abel Caballero, fixou os dous obxectivos do Plan: "mínimas molestias para os cidadáns e garantir o tráfico fluido na cidade".
O alcalde, Abel Caballero, e o concelleiro de Tráfico e Mobilidade, Xulio Calviño, presentaron este luns a nova sinalización horizontal e vertical na Travesía de Vigo, máis visible e efectiva, coa que o Concello "mellorará o tráfico". A actuación contempla a creación de zonas de carga e descarga e de novas prazas de aparcamento para discapacitados, e a instalación de marquesiñas e paneis informativos dos percorridos.
O Concello destina 120.000 euros para un estudo que avaliará as necesidades presentes e futuras do tráfico, atendendo ao Plan Viario preparado para Vigo pola Consellería de Política Territorial da Xunta de Galicia e as infraestructuras do futuro Plan Xeral.
Os dispositivos aportarán información inmediata sobre cortes de rúas, rutas alternativas, celebracións especiais, actividades culturais e calquera tipo de evento de interese para os cidadáns. O primeiro dos paneis, na esquina de Travesía con Urzáiz, foi inaugurado este mércores polo alcalde de Vigo, Abel Caballero, o concelleiro de Tráfico e Mobilidade, Xulio Calviño, e a Diretora Xeral da concesionaria JCDecaux en España, Isabel López.