O alcalde de Vigo anunciou este martes que o goberno local duplicará as zonas verdes da cidade grazas ao Plan Xeral de Ordenación Municipal (PXOM) que está en tramitación. Con motivo do Día Mundial dos Humidais o rexedor visitou o parque da Bouza e destacou a importancia das zonas humidas do municipio.
Seguindo a normativa autonómica, explicou este venres Abel Caballero, o goberno de Vigo realizou nos últimos meses do pasado ano a roza dunha trintena de parcelas de propietario descoñecido, por razóns de salubridade e prevención de lumes. O investimento municipal ao efecto ascendeu a 18.000 euros.
O alcalde visitou este martes os traballos, aos que se dedican 112.000 euros e que se prolongarán durante dez días e 17 quilómetros de leito fluvial, para mellorar a capacidade do río, reducir os contaminantes e retirar elementos artificiais. O goberno de Vigo traballa tamén nun proxecto de iluminación e nas expropiacións para estender o paseo da Avenida de Madrid ata Manuel Álvarez.
O contrato foi adxudicado para os próximos cinco anos, co encargo de conservar todos os parques infantís, biosaudables, pistas deportivas, de skate, fontes ornamentais, bebedeiros, bancos e as piscinas de Samil. O alcalde explicou que se inclúe a obriga de subrogar vinte empregos.
Ante a solicitude autonómica ao Concello de expropiar terreos no polígono do Caramuxo para ampliar as marxes do río, Abel Caballero argumentou que a Xunta carece de proxecto e non conta coa cualificación urbanística para facelo, e aínda non delimitou o dominio público dun leito que ademais é “competencia ineludible” da autonomía.
Abel Caballero acudiu este venres á presentación por parte da empresa de paquetería urxente CTT Express do primeiro vehículo ecosostible na cidade. “Trataremos de seguir lanzando na cidade o proxecto de vehículo eléctrico”, sinalou o alcalde.
O alcalde explicou que se trata dunha conexión de "grande interese" para esa zona da cidade onde viven arredor de 20.000 persoas ao permitir salvar un desnivel de cinco pisos de altura, entre Travesía e Aragón á altura da igrexa do Santo Cura de Ars. A obra financiarase cos remanentes municipais que ascenden a 36 millóns de euros.
“O crecemento da duna leva aparellado un crecemento da praia, estamos gañando espazo, cada vez ten máis area, e isto mesmo está a suceder en Samil, quero praias en Vigo coas dunas”, asegurou o alcalde tras un percorrido polo Vao.
O goberno local aprobou definitivamente o Proxecto de expropiación por taxación conxunta para execución da senda fluvial no río Lagares (tramo entre Manuel Álvarez e a Avenida de Madrid). Cun orzamento de 430.000 euros, o Concello expropiará 96 parcelas de zonas colindantes co río co obxectivo de dar continuidade ás sendas que na actualidade acompañan o curso do Lagares e que se rehabilitarán no seu conxunto nesta lexislatura.
No Día Mundial das Praias, que se conmemora este venres, Abel Caballero visitou ao grupo de voluntariado medioambiental que traballou na retirada de máis dunha tonelada de plantas invasoras na contorna da duna de Samil.