A alcaldesa, Corina Porro, comprobou hoxe luns o estado das obras que, dentro do proxecto Vigo 2005, se están a realizar na zona comprendida entre Montero Ríos e a Praza de Compostela. As actuacións de Vigo 2005 teñen por obxectivo humanizar e rehabilitar a cidade de cara á saída da Volvo Ocean Race, que se celebrará en novembro.
As obras de ampliación e adecentamento das beirarrúas de ata 16 rúas do casco urbano da cidade terán un investimento de 1.803.968 euros, asumido totalmente pola Deputación de Pontevedra.
As obras de humanización das rúas do entorno á Alameda , que comezaron o pasado 21 de febreiro, estanse acometendo nestes momentos co levantamento do pavimento de beirarrúas e calzada das rúas Castelar e Pablo Morillo.
O Departamento de Vías e Obras levou a a cabo actuacións para reparar as beirarrúas do municipio por un importe de 245.000 euros. A superficie reparada é duns 4.650 metros cadrados. Agora están por rematar as obras en 1.030 metros cadrados, por un valor de 55.000 euros.
A finalidade da oficina de supervisión de proxectos e inspección técnica de obras é a de redactar informes técnicos dos proxectos, tanto de iniciativa pública como privada, que sexan de competencia municipal.
A Xunta de Goberno local celebrada hoxe luns deu luz verde á cesión por parte do Concello dunha vivenda de acollida para os inmigrantes mais desfavorecidos. A Xunta fixou tamén o calendario fiscal de 2005.
A concellería de Vías e Obras comezará o martes os traballos de fresado e asfaltado das rúas Cachamuíña e Blein Budiño a partir das 08.00 horas, segundo o convenio asinado entre o Concello e a Deputación.
As obras da superficie de Urzáiz estarán rematadas a principios do mes de novembro, segundo anunciou hoxe a alcaldesa de Vigo, Corina Porro, durante unha visita á zona. Deste xeito, os traballos adiántanse un mes con respecto ao previsto inicialmente, xa que o seu remate estaba previsto para o mes de decembro. A alcaldesa, Corina Porro, acompañada do concelleiro José Manuel Iglesias, técnicos municipais, e de representantes da empresa que executa as obras e da concesionaria, visitou hoxe a superficie e o interior do aparcadoiro.
O Concello aprobou en sesión ordinaria da Xunta de Goberno Local, o proxecto de ampliación de saneamento nas parroquias de Bembrive e Beade, así como o proxecto de mellora do colector de Coruxo.
A partires de agora os vigueses poden pasear dende a praia de O Vao ata a da Fontaiña. As obras de acondicionamento e rexeneración da zona comprendida entre os arenais de Baluarte e Fontaiña, na parroquia de Coruxo, remataron estes días. A Deputación Provincial de Pontevedra subvencionou esta actuación, que tivo un orzamento de 99.090,16 euros e que foi dirixida polos servicios técnicos municipais.