O aforo para o concerto de Amaral que se organizará o sábado 25 nos aparcamentos de Samil é de 2.300 persoas. Para poder asistir, as primeiras mil invitacións estarán dispoñibles mañá nun enlace na web municipal (500, ás 10,00 h e outras 500, ás 18,00 h). O mércores 22, lanzaranse outras 1.300 entradas de balde, divididas nos mesmos bloques horarios.
O alcalde anunciou esta mañá un novo festival de música na cidade, Bluefest, que encherá o Mar de Vigo de blues, soul, funk e rock o venres 22 e o sábado 23 de outubro. O cartel inclúe algúns dos mellores artistas nacionais e internacionais destes xéneros.
Abel Caballero presentou esta mañá o II Desafío Audiovisual Illas Cíes, unha iniciativa que levará ás illas do 19 ao 22 de setembro a dez equipos de artistas que reflectirán distintas visións do arquipélago nos seus traballos fotográficos e de vídeo. “Seguimos promovendo a nosa candidatura de Cíes a Patrimonio da Humanidade, mentres que a Xunta demostra que só quixo obstaculizar o noso traballo”, advertiu o rexedor en declaracións aos medios.
O alcalde informou este venres das propostas, que arrancarán este mércores 15 ás 20 horas co ilusionista Pedro Volta e se celebrarán cada día ata o seguinte luns, 20 de setembro, que concluirán cun concerto de percusión. En total serán case que unha ducia de alternativas gratuítas, con aforo reducido e protocolo Covid.
O mes de agosto pechou en Vigo cunha ocupación media dos hoteis de case un 90%, o que supón que superamos ao mesmo mes de 2019, o mellor da historia da cidade segundo datos do INE. En rolda de prensa, o rexedor felicitou ao conxunto da cidade por que conseguimos unha marca propia, un gran reclamo turístico.
O alcalde avanzou esta mañá que o concerto de Amaral será probablemente no aparcamento de Samil máis próximo ás pistas polideportivas. Nestes momentos o Concello está a traballar no protocolo covid para determinar o aforo final co que se pode desenvolver o concerto.
Son dous asuntos aprobados este venres pola Xunta de Goberno Local, a transferencia de medio millón de euros costeados por Concello e Deputación para a edición deste ano do festival de deporte urbano e o abono de 250.000 euros á Vigo Convention Bureau para as accións de promoción das illas Cíes. O goberno local tamén aprobou unha achega de 37.000 euros para o programa sociolaboral da CIG.
Abel Caballero informou este martes do procedemento para acceder á actuación deste venres ás 22h en Castrelos. A web municipal activará este mércores unha ligazón á plataforma na que formalizar a solicitude das entradas, gratuítas e nominativas, que se repartirán en dous bloques: 500 desde as 10h e outras 500 desde as 18h. Haberá servizo de lanzadeiras ao remate do concerto.
A quinta edición do Concurso Internacional de Piano “Cidade de Vigo” se celebra do mércores ao sábado no auditorio Martín Códax do Conservatorio Superior de Música, co apoio do Concello de Vigo. O recital de apertura, este martes ás 20 horas, corre a cargo do virtuoso pianista franco-chipriota Cyprien Katsaris.
O concerto non será no anfiteatro do parque, senón no escenario exterior, informou Caballero este mércores, un espazo delimitado para unhas mil persoas, sempre en función do cumprimento das normas contra o Covid. Ademais, o alcalde recordou que Vigo recibirá a Amaral o 25 de setembro.