A Xunta de Goberno Local renovou esta mañá o convenio de colaboración con Foanpas por importe de 606.039,31 euros cos que se subvenciona ao alumnado de 32 comedores escolares. A este montanta hai que sumar as achegas procedentes do departamento de Benestar Social que elevan a preto de 2 millóns a cantidade que o Concello adica a sufragar 5.000 axudas.
Este xoves reúnese a mesa de contratación de ofertas para adxudicar o contrato definitivo que permitirá poñer en marcha as escolas infantís de Mestres Goldar e Navia. Tal e como lembrou o rexedor, os alumnos xa están seleccionados polo que a entrada en funcionamento será en "moi poucos días".
O alcalde de Vigo ratificou esta mañá o compromiso de que todos os alumnos que non poideron gozar da súa bolsa de inglés en 2013 poidan viaxar este ano ou o próximo. Con tal obxectivo, aumentaránse as 150 prazas previstas para poder atender as 300 solicitudes recibidas. Hai tres anos, o goberno local foi obrigado pola oposición a retirar dos orzamentos estas bolsas de idiomas.
O alumnado de cinco centros educativos vigueses asistiron este martes ao concerto "Tocar é sentir" a cargo da Escola Municipal de Música Folk e Tradicional dentro dun programa didáctico que, segundo o alcalde, pretende que os nenos "entren en contacto coa música".
Segundo informou Abel Caballero, o periodo de solicitude de praza para o curso 2016-2017 vai do 7 ao 31 de marzo e o Concello conxela novamente as tarifas para as oito escolas infantís municipais. O alcalde urxiu á Xunta de Galicia a que autorice a apertura das escolas de Navia e Mestres Goldar.
O Concello deu luz verde á prórroga dun contrato que permitirá que 300 estudantes de 3º da ESO gozen este ano dunha bolsa de inmersión lingüística. A esta cifra hai que engadir outras 120 que xa están en marcha tamén para o mesmo grupo de idade, e outros 150 para alumnos de bacherelato que non poideran viaxar no 2013. Os alumnos da Escola de Idiomas tamén poderán optar a outras 47 prazas.
A Xerencia municipal de Urbanismo deu comezo este venres ao procedemento de modificación do uso do espazo anexo ao Colexio Alfonso Rodríguez Castelao, en Navia, que faga posible a ampliación do citado centro educativo por parte da Xunta de Galicia. O alcalde de Vigo definiu de "imprescindible" esta obra.
Arredor de 50 nenos e nenas de quinto e sexto curso de Educación Primaria do CEIP A Paz visitaron este xoves as dependencias municipais da Praza do Rei, nun percorrido no que lles chamou especialmente a atención a sala de pantallas de tráfico. Alí, o alcalde explicoulles o funcionamento e utilidade desta tecnoloxía que permite controlar a circulación e mellorar a mobilidade nas rúas viguesas.
O mércores 24, ás 12,00h, no Auditorio municipal, perto de 200 alumnos/as dos CEIPs Carrasqueira, Ría de Vigo, Párroco Don Camilo, Coutada Beade e Igrexa Candeán asistirán a unha nova sesión dos concertos didácticos que o servizo municipal de Educación pon a disposición dos centros educativos da cidade dentro do Programa "Música coa escola". Concretamente, ao concerto didáctico "Música para a tolerancia", a cargo do profesorado da Escola municipal de música de Vigo (EMMV).
Abel Caballero, acompañado da concelleira de educación, Olga Alonso, acudiu este xoves pola mañá ás instalacións do Colexio Divino Salvador de Vigo. Alí mantivo un encontro cos alumnos e alumnas de 5ª de Educación Primaria que lle realizaron diversas preguntas ao rexedor para coñecer como desenvolve a súa actividade institucional.