Entrega de diplomas do proxecto Compás

xoves, 26 feb 2004

O Proxecto Compás celebra un acto de entrega de diplomas ás máis de 200 persoas usuarias que finalizaron con éxito a segunda fase de capacitación do proxecto. Este acto terá lugar o venres, día 27 de febreiro, ás once da mañá na Sala de conferencias do Centro Social Caixanova.

Aprobado o Plan Municipal de Emprego

luns, 26 xan 2004

A Corporación Municipal aprobou , por unanimidade, o Plan Municipal de Emprego 2004-2007 , elaborado pola Concellería de Desenvolvemento Local e Emprego, como documento marco de referencias das políticas activas de emprego do Concello de Vigo para ese período.O principal obxectivo do Plan é favorecer a inserción laboral dos colectivos con maior dificultade de aceso ao mundo laboral.<br />

O 86 por cento das persoas contratadas coas axudas municipais ao emprego foron mulleres

mércores, 26 nov 2003

A Concellería de Promoción Económica e Emprego ven de conceder, no marco do Plan Municipal de Emprego 2000-2003, as axudas municipais á contratación solicitadas en base á convocatoria do presente ano 2000. Dos 18.000 euros de presuposto cos que se contaba, concedéronse subvencións a 13 empresas de Vigo pola contratación de 22 persoas desempregadas, das que 19 foron mulleres e 3 homes, o que supón unha porcentaxe feminina superior ao 86 por cento.

As mulleres beneficiarias do proxecto "Abeiro" completarán a súa formación con prácticas en centros e residencias da cidade

xoves, 18 set 2003

O concelleiro de Promoción Económica e Emprego, Lois Pérez Castrillo, ven de asinar convenios de colaboración con diferentes centros e residencias que traballan con persoas da terceira idade e con enfermos mentais no sector de servicios de atención as persoas, co obxecto de que cincuenta e catro mulleres das que participan no proxecto "Abeiro" fagan as súas prácticas profesionais.

Emprego promove unha nova escola obradoiro que continuará coa formación de desempregados en oficios relacionados co mundo do mar

luns, 15 set 2003

A Escola Obradoiro "Mar de Vigo 2", promovido pola Concellería de Promoción Económica e Emprego no marco do Plan municipal de emprego, será unha realidade a partir do vindeiro mes de decembro, despois de que a Consellería de Asuntos Sociais, Emprego e Relacións Laborais aprobara o proxecto cunha subvención total de máis de 730.000 €.