xoves, 9 feb 2006
A Casa Galega da Cultura acolle desde o venres unha exposición co título "Álbum fotográfico da Volvo Ocean Race 2005-2006 en Vigo" que organiza o Concello e que recolle en 24 imaxes a saída da regata do pasado 12 de novembro.
mércores, 8 feb 2006
O grupo municipal de teatro Trasnada presentará o próximo venres a curtametraxe "El Hallazgo" ás 21 horas na discoteca Émbassi.<br />
martes, 7 feb 2006
O MARCO acolle hoxe martes ás 19:30 a proxección das sete mellores curtametraxes realizadas en 2005 polos alumnos da Escola Superior de Artes Cinematográficas de Galicia (EGACI).
venres, 3 feb 2006
O Auditorio Municipal vai ser o escenario onde se representarán, a partir do 11 de febreiro, as obras do programa "Con T de Teatro", destinadas todas elas ao público familiar. As representacións realizaranse sempre en sábado en dúas sesións: 12:00 e 18:00, con entradas a tres euros para os adultos e a dous para os nenos.
xoves, 2 feb 2006
O MARCO acolle a partir de mañá venres 3 de febreiro, a mostra "Urbanitas". Nela, 30 novos creadores galegos nados a partir de 1970 presentan as súas actitudes e percepcións vencelladas ao contexto e espazo urbanos.
mércores, 1 feb 2006
O Festival de "música para catro estacións" Sinsal trae a Vigo este inverno varios artistas novos que demostran como se poden renovar os discursos con talento, creatividade e ilusión, partindo dos instrumentos máis tradicionais, as estruturas clásicas e a admiración polos grandes creadores.
martes, 31 xan 2006
A alcaldesa, Corina Porro, inaugura hoxe martes ás 19:00 no Verbum a exposición "A outra cara de África", organizada pola Asociación para a Integración e o Desenvolvemento do Africano (AIDA).
martes, 31 xan 2006
O Marco acolleu a presentación do Proxecto_Edición que ten como eixo o ámbito creativo da edición como novo soporte para a creación artística
luns, 30 xan 2006
A concellería de Cultura participará a través do Arquivo Pacheco na próxima edición de Vigo Náutica Internacional co fondo fotográfico da publicación "Pano de lona" que amosa unha colección de 13 imaxes de principios do século XX cunha proposta a modo de xogo de palabras para describir en que se poden converter as velas dos barcos.
venres, 27 xan 2006
O concelleiro de Cultura, Ignacio López Chaves e o director do MARCO, Iñaki Martínez Antelo, presentaron o avance da programación do Museo de Arte Contempraneo para o periodo de xaneiro a abril de 2006. As actividades programadas son exposicións temporais, concertos e festivais, talleres de artistas, programación didáctica, cursos para adultos, servizos da biblioteca-mediateca e actividades da Agrupación de Amigos.<br />