venres, 17 set 2010
Hoxe venres, o alcalde de Vigo pechou o acto que se celebrou no Auditorio de Caixanova desde as 09:30 da mañá. A xornada sobre emprego e medioambiente, promovida pola Concellería de Promoción Económica, Emprego e Participación Cidadá, organizouse para difundir os resultados do proxecto Vigo Medio natural, impulsado polo Ministerio de Medioambiente e a Fundación Biodiversidad.
mércores, 15 set 2010
O vindeiro venres o alcalde de Vigo pechará o acto que se celebrará no Auditorio de Caixanova desde as 09:30 da mañá. A xornada sobre emprego e medioambiente, promovida pola Concellería de Promoción Económica, Emprego e Participación Cidadá, organízase para difundir os resultados do proxecto Vigo Medio natural, impulsado polo Ministerio de Medioambiente e a Fundación Biodiversidad
martes, 24 ago 2010
Abel Caballero informou que a inversión ascende a 26.000 euros e que as obras comenzarán a principio do mes de setembro. As actuacións enmárcanse dentro das iniciativas previstas polo Plan Urban e prevén unha duración de 4 meses. En ambolos dous casos renovaráse o mobiliario e procederáse ao peche perimetral dos parques.
xoves, 19 ago 2010
Dende que remataron os traballos na marxe esquerda da Avenida de Europa as persoas transitan, case que na súa maioría, pola recén inaugurada beirarrúa. O goberno socialista investiu preto de medio millón de euros nesta actuación, na que se instalaron bancos, árbores, farolas e áreas de descanso.
xoves, 1 xul 2010
O Concello destinou 600.000 euros a este programa promovido pola concellería de Promoción Económica e Emprego a través do cal os beneficiarios recibiron formación en albanelería, carpintería metálica e PVC e xardinería. As actuacións abarcaron unhas 100 obras xa rematadas ou en estado de execución.
venres, 25 xuñ 2010
A Xunta de Goberno Local, segundo informou este venres o alcalde, adxudicou a contratación de profesionais para o asesoramento do programa municipal "Imos Traballar", un dos catorce que ten en marcha a Concellería de Promoción Económica e Emprego. Aos 1.300 empregos creados en 2008 e 2009 súmase a expectativa apuntada polo socialista de acadar o mesmo número en 2010 e 2011.
Santos Héctor destaca o clima de colaboración acadado entre as partes implicadas
xoves, 24 xuñ 2010
O concelleiro de Promoción Económica e Emprego, Santos Héctor, lembrou os 8.300 postos de traballo xerados polo Concello nos últimos tres anos. O Pacto Local polo Emprego foi asinado o pasado luns entre o Concello de Vigo e as tres forzas sindicais e empresariais máis importantes da cidade.O pacto pretende conquerir os medios para mobilizar recursos locais capaces de crear de emprego e identificar actividades susceptibles de creación de novos postos de traballo.
luns, 21 xuñ 2010
Abel Caballero agradeceu aos colectivos sindicais e empresariais a súa participación no Pacto Local polo Emprego que asinouse hoxe luns para "fortalecer o emprego" existente, fomentar a ocupación, identificar posibles liñas de negocio que xeren actividade, promover o autoemprego e iniciar accións para o acceso laboral dos colectivos de difícil inserción. A finalidade do acordo é "pór por diante e por enriba de todos os obxectivos o emprego".
xoves, 17 xuñ 2010
O concelleiro de Promoción Económica e Emprego fixo este xoves balance das accións municipais en materia de traballo, e recordou que os 14 programas municipais de emprego xeraron en tres anos 1.300 empregos, aos que sumados os fondos estatais e os investimentos propios do Concello dan 8.297 postos de traballo. O Plan Municipal de Emprego que desenvolve o departamento do socialista destinou máis de 18 millóns a formación e inserción laboral nos últimos tres anos.
mércores, 9 xuñ 2010
O alcalde, Abel Caballero, e o concelleiro de Promoción Económica e Emprego, Santos Héctor, fixeron entrega este mércores de diplomas a 150 persoas formadas no "Imos Traballar", dentro das 500 que están a formarse grazas a programas municipais. En 2009, 350 dos participantes nesta iniciativa foron insertados e este ano o obxectivo ronda os 300, dos que 42 xa están actualmente traballando.