O alcalde salientou que “a dimensión turística de Vigo mantense de forma notable” tras coñecer o dato da ocupación hoteleira “nun fin de semana intermedio do ano”.
O pavillón das Travesas acollerá este sábado 16 de outubro os XXVI Xogos Autonómicos de Fútbol Sala para persoas con discapacidade intelectual coa participación de catro asociacións de toda a comunidade.
Os segundos fillos están exentos de pago nas escolas infantís municipais tanto na escolarización, como no servizo de comedor. Así o avanzou esta mañá o rexedor nunha intervención na que asegurou, ademais, que o 60% dos alumnos matriculados xa gozan de total gratuidade por razóns de renda.
A entidade celebrou na Praza do Rei o acto conmemorativo do Día Mundial da Saúde Mental cuxo lema este ano é “A saúde mental, un dereito necesario. Mañá poderías ser ti”. Abel Caballero loou o labor realizado por Doa, Saúde Mental na cidade como un “factor de renovación na forma de entender e pensar os temas relacionados coa saúde mental, que ten que ser tratada como parte activa da pelexa da sociedade”. Por iso comprometeu o apoio do Concello porque “temos que facer da sociedade viguesa unha sociedade de dereitos e as persoas con algunha discapacidade ou doenza mental teñen dereito a ser atendidos e con prioridade na atención”.
O goberno local e a Asociación Española contra o cancro únense para evitar o sedentarismo e colaboran na posta en marcha do programa “Rutas saudables”. A presidenta da ONG, Carmen Abeledo, e a concelleira de Medio Ambiente, Nuria Rodríguez, presentaron esta mañá unha iniciativa gratuíta a aberta a toda a poboación.
Substituíndo á tradicional marcha, este ano ponse en marcha o Reto Aspanaex, co mesmo obxectivo, o de conseguir fondos para a construción dunha residencia para persoas con discapacidade en Vigo. En rolda de prensa, Caballero, ademais de aceptar o reto, felicitou aos promotores da iniciativa e animou a toda a cidade a participar.
O alcalde informou da decisión, adoptada na Xunta de Goberno Local, de prorrogar o servizo de atención social e educativa para as usuarias dos pisos municipais nos que o Concello aloxa a mulleres vítimas de violencia machista e ás persoas delas dependentes.
Con motivo do Día Mundial do Alzhéimer, o Concello organizou dúas viaxes en pola ría de Vigo para usuarios e familiares de Afaga. Cincuenta persoas saíron esta mañá a bordo do buque oceanográfico Nautilus e pola tarde sairá outra quenda, tamén desde o Real Club Náutico. O rexedor saudou esta mañá aos participantes desta iniciativa coa que o goberno local quere cooperar coas familias que sofren esta enfermidade.
Con motivo do Día Mundial do Alzhéimer, Concello e Afaga esixen un novo protocolo para diagnosticar antes o deterioro cognitivo-funcional. Así o transmitiron o presidente da asociación, Juan Carlos Rodríguez e a concelleira de Políticas de Benestar, Yolanda Aguiar, quen enfatizou que todos os programas municipais enmárcanse nun novo modelo de atención ás persoas maiores.
O servizo municipal conta con 717 usuarias de alta, fundamentalmente mulleres maiores de 80 anos que viven soas e que teñen na teleasistencia “a tranquilidade, o acougo” dun pulsador que ofrece unha “gran confianza”. Ademais de atender casos de emerxencia, o Concello ofrece acompañamento e seguimento ás mulleres.