Santi Domínguez inaugura o Verán Xove, que destina o 10% das 2.000 prazas a nenos de necesidades especiais

mércores, 30 xuñ 2010

O tenente de alcalde, Santi Domínguez, a concelleira de Xuventude, Iolanda Veloso, e o concelleiro de Patrimonio Histórico, Eudosio Álvarez, visitaron este mércores un dos novos campamentos que este ano oferta o programa Verán Xove 2010, no Pazo de Castrelos. Tras compartir unha das actividades cos nenos e nenas participantes, o tenente de alcalde destacou que a nova edición do programa Verán Xove oferta este ano máis de 2.000 prazas, o 10% delas para rapaces e rapazas con necesidades educativas especiais.

Santi Domínguez anuncia a creación do Vigo Film Office para promocionar a cidade como localización de rodaxes

luns, 21 xuñ 2010

O tenente de alcalde e concelleiro de Turismo, Santi Domínguez, anunciou este luns a creación do Vigo Film Office como unha figura do Vigo Convention Bureau "para promocionar a cidade como destino de todo tipo de producións", entre os que destacou películas, series televisivas, presentación de produtos ou anuncios publicitarios. Salientou tamén que a recente incorporación de Vigo ao Spain Convention Bureau "abre unha nova etapa" no obxectivo de apostar polo turismo de negocios.

O tenente de alcalde logra a unanimidade da asamblea do Spain Convention Bureau para a incorporación de Vigo

venres, 18 xuñ 2010

O tenente de alcalde e concelleiro de Turismo, Santi Domínguez, recolleu hoxe o apoio unánime da asamblea do Spain Convention Bureau para a incorporación da nosa cidade a este organismo de xestión de turismo congresual, de incentivos e de negocios. Esta incorporación, xa efectiva, permitirá a Vigo entrar nun circuíto internacional e beneficiarse de todas as accións de promoción que se desenvolven a través do Spain Convention Bureau para a captación de novos congresos.

O tenente de alcalde presenta unha proposta que permite abrir ao mar a Praza do Berbés e ampliala nun 75%

mércores, 16 xuñ 2010

O tenente de alcalde, Santi Domínguez, presentou este mércores unha proposta de reordenación do contorno da Praza do Berbés que ten como finalidade abrila ao mar. A actuación, que contemplaría 28.000 metros cadrados de superficie, permitiría ampliar a praza nun 75%. Na presentación do proxecto, na que tamén participou o concelleiro de Patrimonio Histórico, Eudosio Álvarez, os nacionalistas defenderon a idoneidade de levar a cabo esta actuación "aproveitando" que a Xunta anunciou a ampliación do túnel de Beiramar.

Santi Domínguez asegura que coa Subida ao Castelo remata a primeira fase da recuperación da zona alta do Casco Vello

mércores, 9 xuñ 2010

O tenente de alcalde, Santi Domínguez, anunciou este mércores o investimento de máis de 183.000, con cargo ao Plan Feil 2010, para a reforma da Subida ao Castelo e a súa extensión cara a rúa Hortas, na parte alta do Casco Vello. Durante a visita que realizou á zona, na que tamén participou o concelleiro de Cascos Históricos, Eudosio Álvarez, destacou que con esta obra remata a recuperación do entramado viario da zona alta do Casco Vello.

O tenente de alcalde desexa éxito á delegación da Policía Local que participará en Valencia no Campionato de Europa

venres, 4 xuñ 2010

O tenente de alcalde, Santi Domínguez, recibiu este venres á delegación da Policía Local que participará en Valencia a partir do domingo no Campionato de Europa nas modalidades de fútbol, atletismo, natación, ciclimo, volei praia, gymboxing e tenis. No acto, no que presentaron o equipamento deportivo patrocinado pola Tenencia de Alcaldía, o nacionalista desexou éxito á delegación viguesa, integrada por 30 policías locais, dos que 6 son mulleres.