O goberno municipal adxudicou este venres o segundo lote das novas obras de humanización programadas en parroquias de Vigo. “Contratamos as obras de 14 rúas de 10 parroquias”, explicou o alcalde ao anunciar que en marzo comezará a substitución do empedrado da rúa Doutor Cadaval por asfaltado pulido.
O rexedor relatou en rolda de prensa que "o 27 de xaneiro firmaremos o contrato dos labores de coordinación de seguridade e saúde da obra”, o que permite comezar a reforma.
Abel Caballero anunciou hoxe a contratación das obras de humanización de catorce rúas de dez parroquias do rural por 1.145.000 euros.
O alcalde anunciou que desde o vindeiro luns 30 de decembro ata o 13 de xaneiro estará en funcionamento o ascensor inclinado da rúa Juan Ramón Jiménez, entre Menéndez Pelayo e a Avenida de Camelias. Abel Caballero explicou que aínda que o elevador está en reparación, as distintas fases da execución das melloras van permitir que poida estar operativo de forma eventual.
A Xunta de Goberno aprobou este venres o “último paso definitivo” para que as obras da nova bancada de Gol de Balaídos comecen o día 28 de xaneiro, segundo recalcou Abel Caballero.
O Goberno municipal aprobou a licitación das obras de construción das ramplas mecánicas do Paseo de Granada. Facilitarán o tránsito e discorrerán entre a parte alta da rúa II República e a Praza do Bicentenario. Contarán cun investimento de 3.344.461 euros. Así o explicou este venres Abel Caballero ao indicar que o obxectivo do proxecto é facilitar ao máximo os desprazamentos dos peóns desde a Porta do Sol ata a parada de autobús da Avenida de Camelias próxima a Praza do Rei, o Monte do Castro, e a rúa Venezuela.
O alcalde inaugurou este xoves as obras de mellora realizadas polo Concello na pista deportiva no Centro Cultural e Recreativo de Cabral-Becerreira, por un importe de 600.000 euros, á vez que descubriu a placa en homenaxe ao finado deportista de fútbol sala Miguel Gil García. “É o día do deporte, da afectividade e do recordo”, afirmou o rexedor ao expresar o seu apoio á nai e avoa do novo desaparecido en 2019.
Caballero e López rubricaron o convenio entre o Concello e Deputación dotado con 5 millóns de euros para este 2024 inclúe as obras no parque Finca Matías, na reconstrución dun muro no parque de Navia, a reparación dun muro no campo municipal do Sárdoma-Moledo, a cuberta do pavillón da pista vermella de As Travesas e a humanización de Clara Campoamor, entre Ramiro Pascual e o Hospital Álvaro Cunqueiro.
As obras de humanización completa da rúa, cun orzamento superior aos 2,6 millóns de euros, ten prevista a súa finalización para o mes de marzo de 2025.
O alcalde avanzou hoxe a aprobación da redacción do proxecto das novas obras para mellorar as instalacións do Auditorio de Castrelos. “Queremos seguir mellorando o espazo de Castrelos para seguir tendo os mellores concertos do mundo”, asegurou o rexedor.