O rexedor valorará cos xurídicos recorrer a sentenza da Área: “Farei o mellor para esta cidade”

venres, 25 set 2020

O Contencioso-Administrativo validou a constitución da Área Metropolitana e a elección de Caballero como presidente, rexeitando o recurso da Xunta, pero anulou o seu funcionamento ao estar supeditado a integrarse nun Plan de Transporte Metropolitano de Galicia que “non existe”. O alcalde: “Vou seguir defendendo a Vigo e farei o que sexa máis conveniente para esta cidade”

O Xulgado valida a constitución da Área Metropolitana e a presidencia de Abel Caballero

xoves, 24 set 2020

Contra o recurso da Xunta, o Contencioso-Administrativo sentenza que a constitución da Área, da súa asemblea e a designación como presidente do alcalde “foron válidos”. Ademais, o xuíz indica que o ente metropolitano funcionará cando o autobús urbano vigués entre nun Plan de Transporte Metropolitano que “non existe”, unha cláusula “de imposible cumprimento”, en verbas do alcalde.

Caballero cita o luns aos alcaldes da área de Vigo para "cooperar" e "resolver problemas" tras a vaga de lumes

venres, 20 out 2017

O alcalde convoca unha reunión dos rexedores e rexedoras da gran área metropolitana de Vigo co obxectivo de "intercambiar opinións" sobre os incendios e "poñer en común", por exemplo, "fórmulas" para solicitar axudas. A cita, que será o luns ás 11 horas na Alcaldía, procura a "colaboración" dos concellos, explicou Caballero, afastada dos "debates políticos": "é o momento dos acordos e da cooperación política".

Vigo respectará o convenio do transporte metropolitano nos acordos bilaterais cos concellos da Área

xoves, 9 mar 2017

Abel Caballero reiterou esta mañá a existencia de contactos cos seus homólogos da Área Metropolitana para avanzar na concreción de acordos bilaterais sobre transporte metropolitano. Tal e como anunciou, o Concello manterá o seu compromiso de subvencionar o billete do autobús urbano cando os cidadáns entren ou saian de Vigo nun transporte interurbano, respectando o acordo sobre o transporte metropolitano que a Xunta "rebentou".

O Concello deixa sen efecto o convenio do transporte metropolitano e propón acordos bilaterais aos concellos da área

mércores, 8 mar 2017

O alcalde anunciou este mércores que Vigo deixa sen efecto o convenio do transporte metropolitano polo "bloqueo" da Xunta na súa aplicación e proporá acordos bilaterais cos municipios para subvencionar o bus urbano dos que cheguen ou saian da cidade nun transporte interurbano. "Non imos castigar aos cidadáns pola negativa da Xunta a aplicar o transporte metropolitano", concluíu. <br />

A Área Metropolitana recorrerá a decisión da Xunta de non inscribila no Rexistro

mércores, 11 xan 2017

A Xunta de Goberno Metropolitana reuniuse este mércores en sesión extraordinaria na que acordou presentar recurso de alzada ante o rexeitamento da Xunta de Galicia de inscribir o ente no Rexistro de Entidades Locais. Tamén abordou o Plan Cuadrienal de actividades da Área e solicitou á Xunta de Galicia a designación dos membros do Comité do Transporte Metropolitano e da Comisión de Urbanismo.