O goberno local aumentará en 617.000 euros o gasto en desinfección de colexios ante a negativa da Xunta de asumir esta responsabilidade. Todos os centros contarán con tres limpezas especiais diarias para o que suporá so neste ano 243.000 euros. En todo caso, o alcalde avanzou a decisión das principais cidades galegas de reclamar ao Goberno autonómico ese gasto.
Dúas mocións presentadas polo grupo do goberno de Vigo reclaman á Xunta de Galicia que se faga cargo do custo extraordinario de desinfección nos colexios -que presta o Concello e estima en 616.000 euros- e que abra unha mesa de diálogo coa Federación de ANPAS para dotalos de recursos para poder prestar o comedor escolar, aulas matinais e actividades extraescolares.
O Pleno Municipal, coa abstención do grupo do Partido Popular, aprobou a moción na que os socialistas instan ao Goberno Autonómico a que transfira de forma inmediata 1,5 millóns ao Concello polas medidas adoptadas en materia de desinfección para atallar a pandemia do coronavirus.
O alcalde explicou este venres que o Concello de Vigo xa destinou un total de 1,5 millóns de euros a traballos de desinfección pola pandemia do Covid-19. Entre as partidas, Caballero apuntou á limpeza de rúas, colexios, parques e pistas deportivas. O rexedor anunciou que reclamará á Xunta de Galicia o pago do custe por ser de competencia autonomica.
Comezarán a traballar desde este luns, 11 de maio, con dous percorridos en quenda de noite e outros dous, de mañá. “Seguimos no reforzo das desinfeccións das rúas de Vigo e dos lugares sensibles”, afirmou Caballero este venres.
Este mércores comezou a traballar este novo vehículo, que se adicará principalmente ás parroquias de Vigo, segundo anunciou Abel Caballero. Ademais, o goberno vigués pretende intensificar a desinfección de rúas, “unha das nosas prioridades” fronte ao coronavirus, en verbas do alcalde.
A pasada semana tivo lugar a primeira reunión do novo comité asesor cidadá constituído por Caballero para trazar en conxunto a recuperación social e económica en Vigo tras a crise do coronavirus. Este mércores continúa o traballo cunha videoconferencia cos representantes sindicais.
A Xunta de Goberno Local adxudicou a compra de xel, somieres e albornoces para as persoas acollidas, aluga sete furgonetas para o reparto de comida a domicilio a familias que o precisan, e incorpora dous oficiais desinfectores e un camión de 9.000 litros con dous canóns para limpeza principalmente no rural, explicou Abel Caballero este venres.
O alcalde explicou que o equipo de Bombeiros dedicado á desinfección diaria de centros de saúde e espazos sanitarios está composto por cinco profesionais, equipados con traxes antisalpicadura, equipos autónomos de respiración, casco, luvas e botas, e operan con dúas bombas urbanas lixeiras, outra de alta presión e mochilas eléctricas.
Abel Caballero acordouno co bispo e o Concello aloxará no edificio da Avenida de Madrid aos enfermos que derive o SERGAS e carezan de lugar onde pasar o confinamento, de inicio con 16 habituais individuais con baño. Ademais, o goberno de Vigo conta con outras seis vacantes para eventuais positivos entre os 140 “sen teito” acollidos nos albergues, pensións e pavillón do Berbés.