Abel Caballero participou este xoves na inauguración do novo restaurante Rodilla da cidade, situado no Centro Comercial Vialia, nun acto no que estivo María Carceller, CEO de Grupo Rodilla, unha compañía con 86 anos de traxectoria, e Víctor Toller, responsable do establecemento.
Abel Caballero participou este venres na inauguración da IV Conferencia de Cámaras de Comercio do Arco Atlántico, que reúne en Vigo a representantes empresariais e institucionais das rexións atlánticas europeas.
O alcalde acudiu ao evento de presentación da comunidade profesional Woman in Retail en Galicia, unha agrupación de 300 mulleres líderes na industria retail en máis de 17 sectores. Caballero celebrou o seu labor nas cidades: "Quero un modelo de cidade no que o retail ocupe o seu espazo", expresou nas xornadas ante un centenar de persoas no salón do Real Club Náutico. O rexedor felicitou á organización e agradeceu a súa forma de facer economía con moita calidade.
O Concello expuxo no stand de Turespaña a súa oferta turística “única no mundo” da man de embaixadores como Carlota Corredera, Rodolfo Irago e Pepe Solla. Os xornalistas Luis García e Paula Montes conduciron o acto que clausurou o alcalde da cidade. “Países enteiros quererían ser Vigo”, afirmou Abel Caballero.
O alcalde achegouse á entrega de premios da X edición do Petisquiño, onde o establecemento La Marciana se alzou co primeiro galardón. Abel Caballero louvou a calidade das tapas nos establecementos de hostalería de Vigo e a acción dos que se dedican á cociña: "Sodes uns dos embaixadores do turismo polo servizo marabilloso que recibimos os vigueses e viguesas e o que reciben os turistas. A nosa hostalería é un dos motores da cidade". A entrega de premios reuniu a ducias de persoas do sector no Hotel Attica 21 de Samil.
Abel Caballero: “Petisquiño é un dos fitos fundamentais da cidade. Vigo é unha gran potencia turística”.
O alcalde achegouse esta mañá á rúa Sanjurjo Badía para felicitar aos premiados da décimo primeira edición do Concurso de pinchos de Teis. Acompañado da concelleira de Atención á cidadanía, Patricia Iglesias, Caballero, que eloxiou a calidade de todas as tapas participantes, participou esta mañá na entrega de premios.
A potenciación do comercio, mercados e áreas comerciais desenvolvida polo goberno municipal vén de ser recoñecida cunha mención honorífica dentro da categoría de municipios.
A rúa peonil do Calvario acolleu esta mañá a presentación da campaña que durante os próximos quince días promoverá o consumo nos mercados locais. O alcalde valorou a “inmellorable relación calidade-prezo dos mercados vigueses, a atención do persoal e a proximidade aos compradores” como a clave do seu éxito e felicitou aos vendedores e responsables dos mercados municipais (Teis, O Progreso, As Travesas, O Berbés, Bouzas, Cabral e O Calvario). No acto participaron os concelleiros da área de Comercio, Ángel Rivas e Ana Laura Iglesias, así como os xerentes do mercado do Calvario, Miguel Misa, e das Travesas, Delmiro Hermida.
Sandra Fernández Cabello e Ana Sáa Sánchez trasladáronlle ao alcalde os proxectos de Carrefour na cidade xa que, trala apertura dun supermercado exprés na Plaza Elíptica, non descartan a habilitación de novos espazos comerciais ao constatar que Vigo responde "moi ben" á súa proposta comercial e manteñen a "ilusión" de seguir ampliando a súa presenza.