mércores, 9 set 2026
O Concello retoma este curso o programa de visitas guiadas á rede dos museos municipais dirixido a escolares de todas as etapas educativas. Desde o luns 14 ao mércores 30 de setembro, os centros educativos interesados en participar no programa cultural, que inclúe desprazamentos gratuítos en autobús, poderán inscribirse para participar na actividade didáctica, incluídos o programa Concello Educa, que terán lugar no Museo Quiñones de León e no CMAG Vigo-Casa das Artes.
xoves, 3 set 2026
O alcalde enviará unha carta ao ministro de Cultura, Ernest Urtasun, reiterando a necesidade de iniciar de forma inmediata a construción da Biblioteca do Estado. O Concello aprobou de xeito definitivo a cesión gratuíta dunha parcela municipal de 6.000 m2 situada na rúa Lalín.
xoves, 3 set 2026
A mostra do escultor permanecerá aberta ao público desde este xoves ao domingo 1 de novembro logo de ser inaugurada esta mañá coa presenza do alcalde; Carmela Silva, primeira tenente de Alcaldía; Gorka Gómez, concelleiro de Cultura; e Ángel Cerviño, curador e autor do texto do catálogo.
venres, 28 ago 2026
A Xunta de Goberno deu luz verde a licitación da obra Cabalo surrealista de Eugenio Fernández Granell e a adquisición de Talismanta de Berta Cáccamo.
xoves, 13 ago 2026
A Xunta de Goberno Local aprobará este venres a contratación do concurso de ideas para o deseño e realización da escultura coa que a cidade homenaxeará a Iago Aspas. O certame estará dotado con 15.000 euros en premios e a proposta gañadora recibirá posteriormente o encargo para executar a obra, cun orzamento máximo de 200.000 euros.
venres, 7 ago 2026
No marco do X Concurso Internacional de piano “Cidade de Vigo”, Abel Caballero participou este venres na presentación da iniciativa “Piano na rúa”, coa que calquera persoa que queira pode sentarse a interpretar algunha peza no piano de cola instalado na rúa do Príncipe, diante do Marco. “Queremos que a cidade veña durante esta semana a escoitar o piano, a vivir o piano no mellor sitio do mundo”. O certame congregará na cidade a 400 participantes de 77 países que amosarán a súa “excepcional calidade interpretativa”.
xoves, 6 ago 2026
Abel Caballero avanzou este xoves a contratación da mostra inmersiva “Jules Vernes 200” por 2.056.368 euros. “Unha acción extraordinaria que vai facer que Vigo sexa centro de atención dunha parte importante de Europa, porque Julio Verne e o capitán Nemo van revivir na cidade e nós estaremos con eles nunha exposición coas últimas tecnoloxías”, afirmou.
luns, 3 ago 2026
Abel Caballero referendou esta mañá o apoio do Concello ás iniciativas da Orquestra 430, durante a presentación do novo programa de concertos que, do 24 de setembro ao 28 de novembro, contará con clases maxistrais gratuítas para o alumnado do conservatorio profesional.
xoves, 30 xul 2026
O alcalde pon en valor a calidade do certame, que traerá á cidade a algúns dos pianistas con maior proxección internacional e convida á cidadanía a tocar o piano que estará na rúa do Príncipe, aberto a quen queira facelo soar.
xoves, 30 xul 2026
O alcalde avanzou a programación municipal de artes escénicas para o segundo semestre deste ano: 16 propostas para público adulto, 9 para público familiar e o espectáculo de rúa inicial. O presuposto acada os 150.000 euros.
