luns, 4 dec 2023
O Concello de Vigo achega 9.000 euros para o desenvolvemento do certame, que se celebra do 6 ao 9 de decembro, e que acada a súa décimo segunda edición coa presenza de máis de sesenta músicos de España e Portugal, instrumentistas de violín, viola, violonchelo e contrabaixo de ata 23 anos de idade. A Asociación Galega de Instrumentos de Corda organiza o concurso que se converteu nun punto de encontro referente na Península Ibérica e que conclúe cun concerto final de gañadores, aberto ao público no Conservatorio Superior de Música de Vigo.
venres, 1 dec 2023
A primeira tenente de alcaldía, Carmela Silva, e o concelleiro de Cultura, Gorka Gómez, inauguraron no Museo Quiñones de León a mostra “Alice Austen. Desfacer o xénero”, con obras da creadora norteamericana que está considerada unha das primeiras e máis prolíficas fotógrafas dos Estados Unidos, e precursora da liberación das mulleres. A mostra está composta por 36 fotografías a muro, 3 wallpaper e 11 fotografías en vitrina.
venres, 24 nov 2023
Espectáculos clown, danza, música e teatro de sombras centran a programación de Vigo Cultura de esta fin de semana no Auditorio Municipal.
xoves, 23 nov 2023
A escritora viguesa foi designada “por aclamación” polo Padroado da Fundación Laxeiro que recoñece a súa traxectoria e a súa dedicación para potenciar a cultura galega.
venres, 17 nov 2023
Doce artistas urbanos compiten este sábado 18 na V Edición do Certame de arte urbano, que se celebra no exterior da sede do Colexio de Arquitectos. Así o anunciou este venres o alcalde, ao destacar a transformación que se constata na cidade cos 177 murais instalados en medianeiras e muros de colexios.
martes, 14 nov 2023
O Museo de Arte Contemporánea de Vigo, MARCO, celebra o 21 aniversario da súa apertura cun programa especial de actos organizados os días 17,18,19 e 28 de novembro, tanto para nenos como para adultos. Arte, cinema, música e talleres son o eixo da extensa programación.
martes, 14 nov 2023
O Auditorio Mar de Vigo acollerá a ópera máis representada no mundo na programación desde outono inverno. Un espectáculo que reúne a máis de 80 persoas.
venres, 10 nov 2023
Abel Caballero augurou este venres aos autores da curtametraxe de animación “Paseo por Vigo con Floreano e Monchiña”, Gogue Rodriguez Lopez e Jorge J. Costas, que a súa creación en 3D “dará a volta ao mundo”. Durante a presentación da película, o alcalde asegurou que as viñetas publicadas en Faro de Vigo son máis que “humor e perspicacia” para achegar unha “editorial” gráfica dos acontecementos de Vigo. Destacou a “dificultade técnica” dunha produción que percorre os principais enclaves da cidade nun paseo protagonizado polos personaxes Floreano e Monchiña.
venres, 10 nov 2023
A programación cultural "Vigo a Escena" trae esta fin de semana tres obras teatrais que se poderán ver no Auditorio Municipal na Praza do Rei.
