luns, 7 xul 2025
As familias interesadas en que as súas nenas e nenos de 5 a 12 anos de idade participen nunha das actividades de verán organizadas nos museos municipais de Vigo poden acceder a unha das últimas prazas. "Verbum creativo" desprega, nas tres semanas do 8 ao 24 de xullo, de 17,30 a 19,30, senllos programas creativos. O Pazo Quiñones de León será escenario do 19 ao 22 de agosto; así como do 26 ao 29 de agosto e do 2 ao 5 de setembro, de 10.30 a 13.30, da iniciativa "Verán non Pazo de Castrelos". A Casa das Artes e a Pinacoteca acollen "Cidade de Verán" do 29 de xullo ao 1 de agosto; do 5 ao 8 de agosto, e do 12 ao 14 de agosto, de 11.00 a 14.00 horas. Todas as actividades son gratuítas, previa inscrición no correo electrónico museoseduca@org ou no número 615258531.
martes, 1 xul 2025
O alcalde convida á cidadanía a achegarse ata os xardíns da céntrica Alameda para gozar cos libreiros e escritores e intercambiar opinións literarias con outros lectores. No acto de inauguración, Caballero quixo lembrar a Domingo Villar, escritor vigués e Vigués Distinguido que faleceu no ano 2022 e que vivía na contorna da Praza de Compostela, e puxo de manifesto que "o libro é o maior avance na historia da humanidade". Na feira, amais da compra e venda de libros, haberá firmas de autores e unha ampla programación con actividades infantís. O Concello de Vigo achega 15.000 euros para a celebración do evento que este ano medra con ata 21 postos e na que o goberno local participa coa Biblioteca Neira Vilas e o Centro de Documentación e Recursos Feministas.
martes, 1 xul 2025
O alcalde explicou que este ano inclúe Laboratorios Artísticos para público infantil, obradoiros e actividades para grupos, e para colectivos con necesidades específicas.
luns, 30 xuñ 2025
O alcalde informou sobre esta novidade da oferta de lecer para as nenas e nenos da cidade, que se enmarca no programa educativo posto en marcha pola rede de museos municipais.
mércores, 18 xuñ 2025
Baixo o título “Novas formas de ver, facer e habitar a cultura”, un grupo de expertos reflexionará sobre os cambios que está a experimentar a arte contemporánea. A cita, de acceso libre ata completar aforo, será o mércores 25 de xuño ás 19:30h na Casa das Artes.
mércores, 18 xuñ 2025
A Orquestra Clásica de Vigo pechará o vindeiro sábado 21 a programación especial, despregada desde setembro de 2024 para celebrar o 40 aniversario da súa creación, co concerto organizado na Concatedral de Santa María no “Día Europeo da Música”.
mércores, 18 xuñ 2025
A Fundación Laxeiro acolle desde este mércores 18 de xuño e ata o domingo 21 de setembro a exposición “Litografías. Club da Estampa de Buenos Aires” con obras de José Otero Abeledo e Luis Seoane, e de vinte e tres artistas arxentinos, que foron publicadas en 1968.
luns, 9 xuñ 2025
O alcalde deu conta este luns da ampliación en media hora do tempo de apertura da Biblioteca municipal situada na Avenida Martínez Garrido que durante o verán abrirá tamén os luns pola mañá.
venres, 6 xuñ 2025
A Pinacoteca Francisco Fernández del Riego acolle desde este venres e ata o 31 de agosto unha mostra con máis de 150 pezas que afonda na relación entre Castelao e a industria editorial viguesa con fondos artísticos, editoriais e documentais de coleccións públicas e privadas da cidade.
xoves, 5 xuñ 2025
O alcalde inaugurou este xoves no MARCO a mostra "Generación 2025", un proxecto da Fundación Montemadrid La Casa Encendida, cuxa iniciativa cultural celebra o seu 25º aniversario. Dende o ano 2000 mostra anualmente unha selección de proxectos artísticos, co empeño de proporcionar aos artistas ferramentas de produción e promover a difusión dos seus traballos. En Vigo, dende hoxe e ata o 12 de outubro, expoñerán os 8 artistas gañadores, que comparten narrativas sobre futuros desexables e a Intelixencia Artificial como produtora de ficción e o interese pola oralidade.
