xoves, 3 abr 2025
Abel Caballero trasladou hoxe aos 48 alumnos de quinto e sexto de primaria do CEIP Mestres Goldar, que participan no programa educativo "Visita o teu Concello", a incidencia na calidade de vida dos vigueses das decisións que se adpotan todos os días no Concello, desde o abastecemento da auga ás distintas liñas de apoio a todo o estudantado da cidade. O alumnado percorre as principais dependencias da administración local para coñecer tanto a actividade cotiá, como o traballo que se desenvolve nos principais departamentos.
xoves, 3 abr 2025
O alcalde de Vigo, a primeira tenente de alcaldía, e a concelleira de Educación, trasladaron este xoves aos 34 alumnos do CEIP Canicouva, que participan no programa didáctico "Aventura no Vigo Vello", a valentía con que a cidadanía de 1809 enfrontouse ás tropas francesas para protagonizar o inicio da Reconquista de España do dominio napoleónico. Desde marzo ata medidados de abril preto de 1.000 escolares participan nas visitas teatralizadas que achegan aos alumnos de quinto e sexto de primaria a un dos episodios da historia de Vigo máis celebrados na cidade.
xoves, 3 abr 2025
O Concello procede a axustar os prezos de referencia seguindo os criterios do Ministerio de Vivenda. "O obxectivo é que as vivendas baleiras saian ao mercado de alugueiro", dixo o alcalde. O goberno municipal tamén aprobou esta semana 47 axudas de emerxencia por 14.768 euros.
xoves, 3 abr 2025
"Rueda Academia de Cine", programa de desenvolvemento audiovisual impulsado pola Academia de Cine e financiado polo ICAA, chega a Vigo por segundo ano consecutivo, co apoio do Concello a través da Vigo Film Office.
xoves, 3 abr 2025
Abel Caballero acudiu acompañado do delegado do Goberno, Pedro Blanco, ás obras de vivenda de Navia nas que o Goberno de España achega máis de 10 millóns de euros para 207 vivendas. Tamén asistiron o delegado da Zona Franca, David Regades, o subdelegado do Goberno, Abel Losada, e as tenentes de Alcaldía, Carmela Silva e María José Caride.
mércores, 2 abr 2025
O Concello súmase hoxe á conmemoración do Día Mundial da Concienciación sobre o Autismo tinguindo de azul as Fontes de Aragón. Cada 2 de abril, miles de edificios e monumentos de todo o mundo ilumínanse de azul como mostra de apoio e solidariedade coas persoas con autismo e as súas familias.
mércores, 2 abr 2025
Abel Caballero explicou hoxe aos 49 alumnos do CEIP Ría de Vigo, que participan no programa didáctico "Aventura no Vigo Vello-Reconquista 2025", a importancia da xesta protagonizada pola cidadanía viguesa en 1809, por ser a primeira cidade que expulsou ás tropas napoleónicas, comezando A Reconquista do dominio das forzas militares francesas. O alcalde animou ao alumnado a seguir coñecendo a historia de Vigo tras a celebración, a pasada fin de semana, da Festa da Reconquista. As visitas teatralizadas e as sesións didácticas na Casa Galega dá Cultura, que contan coa participación de preto de 1.000 escolares, finalizarán o vindeiro venres 11 de abril.
mércores, 2 abr 2025
Abel Caballero apelou este mércores, ante o presidente da Fundación Menela, Cipriano Jiménez, e a concelleira de Política Social, Yolanda Aguiar, durante o acto celebrado no Auditorio Municipal para conmemorar o Día Mundial do Autismo, ao "apoio global de todas as institucións" ás persoas afectadas cun trastorno do espectro autista. Neste contexto, o alcalde, tras recalcar a transcendencia do traballo realizado durante 49 anos por unha fundación que é un "modelo" de actuación, anunciou a posta en marcha dunha ludoteca, así como o compromiso do goberno municipal con Menela "durante todos os días do ano". O rexedor Incidiu en que "son tempos de que se visualice con maiúsculas todo o que ten que ver co autismo".
mércores, 2 abr 2025
Durante a presentación do XII Congreso Nacional de Organizacións de Maiores, o alcalde afirmou que o papel das persoas maiores na sociedade é “unha revolución en marcha”. A cidade acollerá este evento os próximos 24 e 25 de abril na sede de Afundación.
martes, 1 abr 2025
O alcalde presentou hoxe o programa de primavera do “Festival Sinsal” . Conta con tres concertos dos artistas internacionais Joseph Keckler, "Chemtrails" e "Bombataz", entre os meses de abril e maio.
