luns, 15 set 2025
O alcalde asistiu este luns á saída de 56 alumnos e alumnas de nove centros docentes de Vigo que durante tres semanas permanecerán na localidade inglesa de Exmouth para aprender inglés. O alumnado mellorará a súa aprendizaxe do idioma e o coñecemento da cultura británica nos centros West Exe School, The King's School Ottery Saint Mary e en Saint Luk'é Church of England School. O Concello bolsa a máis de 1.000 rapaces e rapazas de 4º da ESO para que aprendan inglés no Reino Unido e Irlanda, dentro do programa "Vigo en Inglés". “Son recursos de Vigo ben investidos”, explicou a rexedor aos pais que acompañaron aos seus fillos á saída do voo dende Peinador. O goberno local dedica 3,3 millóns de euros cada ano ao programa.
luns, 15 set 2025
Os hoteis de Vigo rexistraron esta fin de semana unha ocupación do 83,93 por cento. “Seguimos batendo récords de ocupación hostaleira e sendo unha gran potencia turística”, afirmou hoxe o alcalde ao destacar que estes datos súmanse aos rexistrados na primeira semana de setembro co 80 por cento de ocupación e ao 90 por cento da media de agosto.
venres, 12 set 2025
Vigo ten que ser sede oficial dos exames MIR segundo acordou esta mañá o Pleno da Corporación, nunha sesión na que se reprobou ao conselleiro de Sanidade por non defender á cidade ante o decreto de exclusión pactado entre o Ministerio e as CCAA. A moción socialista contou cos votos en contra do PP e a abstención do BNG.
xoves, 11 set 2025
O alcalde explicou graficamente que en 2023 a cidade pagaba a Sogama 6.100.427 de euros, fronte os 10.241.000 actuais. “É unha subida escalofriante, unha estafa en contra desta cidade”, reivindicou.
mércores, 10 set 2025
As nove escolas infantís municipais iniciaron o novo curso o pasado 4 de setembro con 350 nenas e nenos matriculados e a “gratuidade total” no docencia e no servizo de comedor.
martes, 9 set 2025
Na matinal de hoxe deu comezo o inicio do novo ciclo político na cámara de representación autonómica de Galicia, cun debate centrado na xestión da vaga incendiaria que sufriu o noso territorio. O alcalde desprazouse ata Santiago de Compostela, sede do Parlamento, para presenzar o debate no que se lle esixiu a dimisión ao presidente da Xunta de Galicia, Alfonso Rueda.
martes, 9 set 2025
O alcalde recibiu unha carta da ministra de Sanidade, Mónica García, na que lle expón que o Ministerio fixo a proposta e a Xunta non presentou alegacións á supresión de Vigo como sede de exame para a Formación Sanitaria Especializada.
venres, 5 set 2025
O Concello de Vigo contará o ano que vén cunhas contas que rondarán os 345 millóns de euros o que o sitúa como “o máis importante orzamento da historia da cidade”. Caballero avanzou incrementos destacados en ámbitos como política social, deportes ou no capítulo de investimentos.
mércores, 3 set 2025
A cancelación de voos por parte da aeroliña non afecta á previsión do aeroporto de Vigo dado que a fin da única ruta operativa de Ryanair estaba prevista para o 1 de xaneiro de 2026. A este respecto o alcalde insiste en que “non se prorrogará o contrato con esta compañía por non cumprir cos pregos”.
mércores, 3 set 2025
Abel Caballero participou esta mañá en Madrid nun evento organizado pola Fundación Biodiversidade, baixo o título “Novos proxectos para impulsar a renaturalización de cidades españolas”. Esta xornada realizouse no marco do Fondo Europeo de Desenvolvemento Rexional (FEDER) dada a súa importancia estratéxica. O Concello de Vigo obtivo unha concesión de 2,1 millóns para o plan municipal “Alcabre Verde”, cun custo total de 3,5 millóns.
