Abel Caballero fíxose eco esta mañá do estudo do Spain Happy Index 2025, que sinala que " Vigo, é o concello máis feliz da provincia de Pontevedra". Como explicou, trátase dunha "empresa tecnolóxica que identifica as cidades, o benestar, a calidade de vida, todos os efectos que inciden na felicidade", e engadiu que "tamén sabemos que segundo outros índices somos a cidade máis feliz de España".
Abel Caballero participou este luns na entrega dos premios da XI concurso de tapas O Petisquiño na que Nikko Espacio Gastronómico se alzou co premio á mellor tapa e na que se recoñeceron varias das propostas dos 32 establecementos que participaron nesta edición, que organiza Feprotur. O rexedor felicitou a tódolos participantes e puxo en valor o seu traballo co que "facedes felices ás persoas e sodes artífices da amizade" e trasladou os seus parabéns á organización polo labor desenvolvido.
O Concello esixirá aos responsables da Xunta que repoñan “de forma inmediata as válvulas das tomas de auga da presa de Eiras que están en mal estado”. O alcalde avanzou que na reunión de mañá coa administración galega, na que tamén participará Aqualia, a administración municipal reclamará á Xunta que "levante o teléfono" para encargar as dúas pezas e, se non, que devolva a presa ao Concello .
O alcalde acompañou á ministra de Educación, Pilar Alegría, no percorrido para coñecer as novas instalacións de Down Vigo no casco histórico da cidade. A obra foi financiada polo Consorcio da Zona Franca. Alegría tamén asinou no libro do Concello de Vigo, onde comezou a súa visita institucional a Vigo e agradeceu a Abel Caballero a súa recepción.
O alcalde e a concelleira de Política Social presentaron hoxe, co responsable da ONG “Vida Digna”, a campaña de Nadal para facilitar xoguetes aos nenos de familias vulnerables. En 2025 máis de 600 menores contaron cos agasallos proporcionados pola cidadanía de Vigo. A organización fai un chamamento á participación solidaria para seguir axudando aos máis pequenos.
A fachada principal do Concello mostra desde hoxe a pancarta xigante coa mensaxe central do Día Internacional para a Eliminación da Violencia contra as Mulleres: "Rachemos as cadeas que nos oprimen". A despregadura da lona contou coa presenza do alcalde e das concelleiras do Goberno de Vigo, así como das compoñentes do Consello Municipal da Muller. Durante o mes de novembro o Concello desenvolve un extenso programa de actividades culturais e de reflexión, que concluirán o día 28 de novembro.
A Porta do Sol será o escenario do acto do acendido que poderá seguirse na propia praza, a través de pantallas en Policarpo Sanz, no Marco e en Vialia ou a través da web municipal. Máis de 120 medios de comunicación están acreditados para cubrir o evento.
Abel Caballero recibiu este xoves, no Salón de plenos do Concello, a 44 alumnos de 5ª e 6ª de Educación Primaria do CPR San Fermín que participan no programa didáctico "Visita ou teu Concello". O alumnado percorreu as instalacións dos principais servizos municipais para mellorar os seus coñecementos sobre o funcionamento da administración municipal e a súa incidencia na vida da cidadanía. O alcalde explicou ao estudantado a importancia das decisións que se adoptan no Concello para mellorar a calidade de vida das viguesas e vigueses.
Este venres, 14 de novembro, conmemórase o Día Mundial da Diabetes, unha doenza que afecta a máis de 5,1millóns de persoas, sendo unha das patoloxías máis estendidas do mundo. O Concello súmase a esta xornada iluminando de azul as fontes de Aragón este xoves 13 e mañá venres 14 de novembro.
Abel Caballero reclama á Xunta que asuma “inmediatamente” os 12 euros que achega o Concello por cada hora de atención que presta a través do Servizo de Axuda no Fogar, dado que se trata dunha competencia da administración galega.