A tradicional cita do Nadal de Vigo cambia a data de celebración pola previsión de choiva para este sábado día 20. Nesta décimo quinta edición haberá dúas modalidades: papanoelada estática en Navia e a clásica, que discorre pola cidade.
O alcalde e a concelleira de Política Social visitaron este martes o mercado de Nadal e o Belén do HC San Rafael. Acompañado pola directiva e persoas usuarias do centro, o rexedor felicitou aos autores e autoras da creación belenística de grandes dimensións. Acto seguido, Abel Caballero e Yolanda Aguiar contemplaron os expositores coas manualidades do Nadal e percorreron as instalacións do novo Centro de Día.
O Concello manterá na Praza de Compostela, desde este martes ata o día 6 de xaneiro, un punto lila de información e prevención do acoso sexual e a violencia machista. Estará atendido por catro profesionais especializadas, segundo avanzou o alcalde.
A Orquestra Vigo 430 despregará en 2026 seis concertos de música sinfónica protagonizados por intérpretes galegos e internacionais, segundo destacou este luns o alcalde ao presentar, co concelleiro de Cultura e a xerente da formación, o programa que se desenvolverá ao longo do primeiro semestre do próximo ano.
O Concello organiza todos os martes de 2026, a partir do 13 de xaneiro, visitas guiadas á depuradora do Lagares destinadas a que cidadanía de Vigo coñeza o funcionamento dunha "obra excepcional”, segundo remarcou Abel Caballero.
O estudo da Fundación de Estudos de Economía Aplicada (FEDEA) sitúa a Vigo moi próxima aos primeiros postos nos que están Xixón, Zaragoza e Valladolid. O alcalde celebra que Vigo sexa unha das grandes cidades con menos desigualdade.
Abel Caballero participou esta mañá na recepción á directiva da entidade italiana realizada na sede do Celta. O Bolonia enfrontarase esta tarde, na sexta xornada na Europa League, ao clube olívico. Tras o regreso da cidade ás competicións europeas, Balaídos acolleu os encontros fronte ao PAOK e o Niza, sendo os italianos o terceiro clube internacional que a visita. O alcalde deulles a benvida á cidade aos representantes nesta época de Nadal e destacou a importancia da presenza de Vigo en citas futbolísticas do máximo nivel.
O rexedor informou esta mañá de que enviou unha carta ao presidente do Consello Superior de Deportes, José Manuel Uribes, e outra ao presidente da Federación Española de Fútbol, Rafael Louzán.
O alcalde lamenta a paralización da obra dos accesos á ermida da Guía, o túnel de Elduayen, as ramplas da Gran Vía e a Praza do Rei que seguen sen autorización nin resposta por parte do goberno autonómico.
A cidade volverá vivir unha fin de semana de “éxito” turístico cunha previsión de ocupación do 90%. Esta tarde arranca o Circo de Nadal para sumarse ás actividades organizadas en toda a cidade.