Trátase do Plan de Actuación Integrado Vigo Vertical Gran Vía - As Travesas - Castrelos cun importe de 20 millóns de euros. A principal actuación consiste na construción das ramplas mecánicas entre a Praza de América e a Praza de España.
Abel Caballero abordou este xoves, xunto ao delegado do Estado no Consorcio de Zona Franca de Vigo, David Regades, co presidente e o conselleiro delegado de INDRA, Ángel Escribano e José Vicente dos Mozos, respectivamente, a coordinación das accións a desenvolver no futuro inmediato da fábrica de microchips fotónicos, que en 2026 supoñerán ampliar o persoal coa contratación de preto de novos 200 enxeñeiros e enxeñeiras.
A cidade converteuse este xoves no epicentro da celebración do Día da Policía Nacional. O Corpo elixiu Vigo para conmemorar neste 2025 o seu patrón, o día dos Santos Anxos Custodios, cun acto presidido polo ministro do Interior, Fernando Grande-Marlaska, no que participou o alcalde así como a secretaria de Estado de Seguridade, Aina Calvo, e o director xeral da Policía Nacional, Francisco Pardo, entre outras autoridades. Durante o evento impuxéronse as condecoracións ao Mérito Policial, rendeuse homenaxe aos profesionais falecidos en acto de servizo e, finalmente, levouse a cabo unha formación dinámica de distintas unidades da Policía Nacional. O ministro entregoulle a Caballero a Cruz ao mérito policial con distintivo branco.
O alcalde presentou este mércores o Certame de Teatro 2025, que conta co apoio do Concello, para poñer sobre o escenario dos centros culturais veciñais oito espectáculos protagonizados por grupos de actores afeccionados.
Abel Caballero asignou hoxe á Xunta de Galicia a responsabilidade de non executar as prometidas obras de renovación da cuberta do Instituto Valentín Paz Andrade porque desde xullo a Consellería de Educación, Ciencia, Universidades e Formación Profesional conta coa comunicación previa da Xerencia Municipal de Urbanismo de Vigo de obras maiores que lle permite desenvolver o proxecto.
O alcalde informou da situación hídrica que atravesa a cidade tendo en conta o período de seca que estamos a vivir e reclamou á Xunta de Galicia que asuma as súas competencias en materia de abastecemento. O encoro de Eiras sitúa a súa porcentaxe de volume de auga embalsada nun 55%, case 40 puntos menos que na mesma data o ano anterior.
Esta fin de semana, os días 4 e 5 de outubro, a cidade acolle unha nova edición do concurso de fotografía aberto á participación de adultos e cativos. As inscricións están abertas ata o 3 de outubro
O alcalde mantivo un encontro hoxe na Alcaldía co novo presidente do Tribunal Superior de Xustiza de Galicia, Ignacio Picatoste Sueiras, que realizaba a primeira oficial a un municipio galego desde que asumiu o cargo. O maxistrado evidenciou o seu elevado coñecemento da cidade e da situación da xustiza de Vigo.
A Corporación municipal gardou esta mañá un minuto de silencio logo do debate dunha moción socialista que solicitaba o recoñecemento do Estado de Palestina. A maioría do Pleno deu luz verde a un texto que reitera o absoluto rexeitamento ao xenocidio e á ocupación ilegal de Israel en Gaza.
O rexedor explicou que “hoxe deuse o primeiro paso para a constitución da Empresa Municipal de Vivenda”