O alcalde remitirá senllas cartas ao Ministerio de Sanidade e á Xunta para reclamar que a Universidade de Vigo se manteña como sede dos exames MIR e que anulen a decisión adoptada por ambas as administracións para eliminar as probas no campus de Lagoas Marcosende. Abel Caballero tamén sinalou á administración galega por continuar opoñéndose a crear a facultade de Medicina en Vigo.
Os xardíns do Pazo de Castrelos acolleron a celebración do acto institucional no que Rosa Mallo, coordinadora da Unidade de Mama da Área Sanitaria de Vigo, leu o pregón defendendo a sanidade pública e lembrando a todas as persoas que loitan contra o cancro. O alcalde de Vigo, puxo en valor a situación actual da cidade que "está a vivir os mellores momentos", censurando a quen non a defende e avogando polo traballo conxunto de todas e todos porque "na unidade está a nosa forza".
O alcalde denunciou hoxe o convenio asinado “en segredo” entre a Xunta e a Universidade de Santiago, que garante a asignación en exclusiva da docencia práctica en todos os hospitais de Galicia, incluídos os de Vigo, á facultade de Medicina compostelá. “Isto significa que a Xunta di non á facultade de Medicina de Vigo" recalcou Abel Caballero ao advertir que “imos dar a batalla”.
O Concello aprobou ao longo deste mes de xullo 273 axudas de emerxencia por 83.975 euros. “Seguimos practicando política continua de atención social ás persoas que o necesitan”, recalcou este mércores o alcalde.
O Goberno Municipal renovou por un ano o servizo de asesoramento a pequenas e medianas empresas da cidade. Expertos, cunha experiencia de ata 6 anos, apoian aos emprendedores no desenvolvemento dos seus proxectos empresariais. O contrato ascende a 146.383 euros.
O Concello puxo hoxe á venda as 5.000 reservas de platea para o concerto de Vanesa Martín, programado para o xoves 31 de xullo en Castrelos. Mañá mércores activarase a venda das reservas para o concerto de Jason Derulo, que se celebrará o domingo 3 de agosto e que será ás 23.00 horas. Na web municipal tamén se poden adquirir entradas para o recital de Rozalén, este xoves 24 de xullo.
O Concello iniciou esta semana as obras de humanización da rúa Pintor Colmeiro, entre as rúas Álvaro Cunqueiro e Tarragona, na que se instalarán catro rampas mecánicas cubertas e que teñen un importe de 2,5 millóns de euros.
O alcalde asistiu este martes, coa primeira tenente de alcaldía, o delegado do Estado no Consorcio de Zona Franca, e directivos do Ministerio de Transportes e Mobilidad Sostible, AENA, a Axencia Estatal de Seguridade Aérea e de SAERCO, á operativa da nova torre de control dixital e remota do aeroporto de Peinador, a primeira das súas características en España.
O Concello remitiu o Plan Xeral de Ordenación Urbana de Vigo ao Boletín Oficial da Provincia para a súa publicación, segundo avanzou este luns o alcalde. “Dentro de moi poucas semanas teremos a gran noticia en Vigo: apróbase o PXOM”, recalcou.
O alcalde presentou ao president de Catalunya no almorzo informativo do Círculo de Empresarios no que puxo en valor "o discurso repousado, reflexivo e alentador" de Illa: "Aí vexo a Catalunya e España", afirmou Caballero. Para o rexedor, Illa representa "a normalidade democrática e a restauración da convivencia e a forma de entendernos". Previamente, Salvador Illa acudiu á Casa Consistorial onde firmou no libro de sinaturas e louvou a Vigo "por ser exemplo de capacidade transformadora, da boa política e da política útil".