O alcalde de Vigo, Abel Caballero, animou hoxe á cidadanía a inscribirse de xeito gratuíto na San Silvestre 2023, que pechará o ano deportivo o domingo 31 de decembro nun horario diferente ao habitual: ás 11:30 horas.
Abel Caballero louvou estes recoñecementos por parte do Colexio de Arquitectos de Galicia ás obras “excepcionais e de éxito” que o goberno local desenvolveu ao longo de 2023.
Vigo pechará 2023 batendo o seu récord histórico de visitas turísticas, tanto nacionais como internacionais. O dato oficial do Instituto Nacional de Estatística do pasado mes de outubro constata un incremento do 13,5 por cento, e confirma a tendencia de aumento rexistrada desde xaneiro.
A formación contra a violencia de xénero suma este curso aos 2.000 escolares que participaron no programa EnlazaVigo, desenvolvido polo Concello. Abel Caballero participou este venres no acto central organizado no Auditorio do Palacio de Congresos Mar de Vigo, que contou coa presenza de máis de 1.000 escolares de 17 dos 38 centros que realizaron talleres, exposicións e charlas sobre o tema central do Día Internacional da Eliminación da Violencia contra as Mujeres, “Non máis violencia por ser muller”. Ao longo dos 12 anos de actividade do programa formou a 25.000 estudantes.
A Porta do Sol acolle este venres ás 20 horas acto de acendido da iluminación do Nadal da cidade que este ano suma 11,5 millóns de luces led e que chegará a 450 rúas a medida que se vai completando a montaxe.
A cidade será o lugar elixido para conmemorar o acto central do Goberno en Galicia o Día da Constitución, que será organizado conxuntamente pola Delegación do Goberno e o Concello. Así o avanzou este xoves Abel Caballero ao anunciar que a vicerreitora da Universidade de Vigo, Mónica Valderrama, será a autora do bando municipal.
O alcalde pechou o encontro empresarial sobre o talento no sector onde puxo de manifesto “que para Vigo é vital que Navalia continúe a súa acción”. Abel Caballero tendeu a man ao naval para orientar a formación á demanda das empresas “co obxectivo de seguir sendo competitivos”. Pediu ante os empresarios trazar a demanda e a necesidade e anunciou que solicitará a cooperación do Ministerio de Educación neste ámbito. “É necesaria una adecuación da formación e a mobilización, para informar do sector naval noutros territorios, como no interior do país, onde non hai unha cultura do mar pero seguramente moitas persoas estean interesadas en formarse e traballar neste eido”, declarou. Para o rexedor, Vigo non se entende sen o naval e aposta por priorizar o sector para que “igual que cando as persoas escoitan a palabra Nadal pensan en Vigo, cando alguén diga Naval tamén ten que pensar en Vigo, e podemos conseguilo”, concluíu.
Abel Caballero reivindicou o “peso” propio da celebración do Nadal en Vigo a dous días do acendido oficial, programado para as 20.00 horas do venres. “En pouco máis de 48 horas arrinca o Nadal do planeta”, afirmou ao asistir á estrea do photocall despregado no centro comercial Travesía coa fotografía da cantante norteamericana Mariah Carey. Acompañado polos concelleiros Ángel Rivas e Ana Laura Iglesias, o alcalde apuntou a singularidade da árbore de Nadal “que contará cun xogo de luces marabilloso”, e indicou que competir con Vigo é unha “tarefa van”.
Abel Caballero presentou este mércores, xunto ao concelleiro de Deportes Manel Fernández, a última gran carreira solidaria de Vigo en 2023: a VI edición da competición “Érguete e corre”, programada para o domingo 3 de decembro.
O alcalde de Vigo adiantou este mércores o avance no proceso de concesión das bolsas de libros do Concello coa publicación no Boletín Oficial da Provincia de Pontevedra das bases reguladoras para acceder ás axudas. Asegurou que o goberno local tratará de “ir coa máxima présa” na concesión de 205 euros a cada estudante.