Abel Caballero asistiu este xoves á inauguración da mostra “As Cidades de Colmeiro” que permanecerá aberta na Pinacoteca Fernández del Riego ata o 15 de marzo de 2026. A exposición recolle a visión e expresión plástica do artista durante toda a súa existencia creativa, sobre distintas cidades europeas e de América do Sur nas que residiu.
Abel Caballero destacou este mércores, durante a reinauguración do Hipermercado Alcampo de Coia, a evolución de Vigo desde a apertura do espazo comercial en 1981. Agradeceu aos 300 traballadores o esforzo por atender á cidadanía viguesa e especialmente á veciñanza de Coia.
O Concello aumenta a dotación de chalecos antibalas da Policía Local coa incorporación de 17 novos equipos aos 307 existentes. Entre as características das novas adquisicións destaca a adaptación dos sistemas de protección á morfoloxía feminina.
O Concello atendeu a 79 persoas e realizou 169 intervencións co dispostivo de frío despregado desde o martes 18 ao domingo 23 de novembro.
Abel Caballero lamenta o engano da Xunta ao Concello na primeira valoración dos activos, onde o conselleiro de Emprego e Comercio atribuíu unha achega de 1,7 millóns do Concello e 31,4 millóns do goberno autonómico. Agora, sete meses despois, a Xunta volve facer unha taxación unilateral na que modifica estas cantidades e suma 13,2 millóns máis ao Concello e resta 11 millóns á Xunta. Caballero avanza que o Concello pedirá na xuntanza do Padroado un taxador neutral e acordado.
Abel Caballero foi un dos convidados ao acto de imposición do Colar da Insigne Orde do Toisón de Ouro por parte do rei Filipe á raíña Sofía, ao expresidente do Goberno, Felipe González, así como aos pais da Constitución Miguel Herrero e Miquel Roca. Trátase da máis alta distinción que concede a Casa Real e enmárcase na celebración dos 50 anos da reinstauración da monarquía en España.
O rexedor subliñou que o propio ministro de Transportes lle transmitiu que Vigo mantén garantido o seu enlace directo con Ourense e Madrid a través de Cerdedo, e que o plano utilizado na presentación da AV350 “carece de relevancia, pois corresponde exclusivamente á relación Madrid–Barcelona”.
Abel Caballero achegouse este xoves ao acto de celebración do 15 aniversario do Centro de Investigación en Tecnoloxías de Telecomunicación – atlanTTic - da Universidade de Vigo, un dos dez centros que integran a Rede de Centros de Investigación do Sistema Universitario de Galicia (Rede CIGUS) e centro líder da Universidade de Vigo en captación de fondos. O rexedor puxo en valor o seu traballo e a calidade e importancia das súas investigacións así como a súa capacidade para obter fondos do Goberno de España, destacando a futura construción da fábrica de chips fotónicos - Sparc- na cidade.
O Concello de Vigo súmase á celebración do Día Mundial da Infancia este xoves, 20 de novembro, iluminando de azul as fontes da rúa Aragón, a petición de UNICEF Comité Galicia, que acaba de lanzar a campaña "Acéndete polos dereitos da infancia" coa que busca sumar esforzos para visibilizar e promover os dereitos de todos os nenos, nenas e adolescentes.
Abel Caballero saudou este xoves ás 75 persoas que ata xullo de 2026 se forman, dentro do programa municipal “Vigo Emprega”, en construccción, albanelería, electricidade, condución, pintura, carpintería de aluminio, carpintería de madeira, construción e xardinería, e que realizan obras de interese do Concello. “En Vigo necesitamos profesionais con formación e esta é unha magnífica ocasión para incorporarse ao traballo” , afirmou Abel Caballero dirixíndose aos profesionais en formación.